Իսրայելը երբեք որևէ ծրագիր չի ունեցել Թուրքիայի դեմ. Իսրայելի նախագահ
Իսրայելի նախագահ Իսահակ Հերցոգը պատասխանել է Թուրքիայի նախագահ Ռեջեփ Թայիփ Էրդողանի մեղադրանքներին, ով ավելի վաղ հայտարարել էր, որ հրեական պետությունը ծրագրում է ներխուժել իր երկիր, գրում է mignews-ը։
Նա համապատասխան հայտարարություն է արել Երուսաղեմում ամերիկյան հրեական խոշոր կազմակերպությունների նախագահների համաժողովի ժամանակ։
«Թուրքիայի նախագահը մի քանի մեկնաբանություն արեց Թուրքիայի դեմ Իսրայելի ենթադրյալ ծրագրերի վերաբերյալ: Իսրայելը երբեք որևէ ծրագիր չի ունեցել Թուրքիայի դեմ»,- ասել է Հերցոգը:
Նա հավելել է, որ Իսրայելը «ահռելի հարգանք» է տածում թուրքերի նկատմամբ, որոնք նման զգացմունքներ ունեն իսրայելցիների նկատմամբ:
«Մեր ժողովուրդները երկարաժամկետ հարաբերություններ ունեն: Մեր ժողովուրդները կհաղթեն բոլորին, ովքեր դեմ են բարեկամությանը և համակեցությանը», - ավելացրել է նա:
Հետևեք մեզ Viber-ում
