Բացի Բաքվի կողմից հաստատված 23 անձանցից, փաստվում է ևս 80 անձանց գերեվшրnւթյшն հանգամանքը. Արցախի ՄԻՊ
Հայ գերիների և անհետ կորածների հարցով բողոքի ակցիա է իրականացվում Ադրբեջանում COP29 համաժողովին ընդառաջ:
Ակցիայի մասնակիցները` Գեղամ Ստեփանյանի գլխավորությամբ, նամակներ հանձնեցին ՄԱԿ-ի գրասենյակի աշխատակցին։
Նախքան նամակի հանձնելը, Գեղամ Ստեփանյանն ընթերցեց նամակը. «Բացի ադրբեջանական իշխանությունների կողմից հաստատված և Բաքվի բանտերում պահվող 23 անձանցից, հայ իրավապաշտպան համայնքի կողմից իրականացված փաստահավաք աշխատանքների արդյունքում հավաքագրված տեղեկություններով փաստվում է ևս շուրջ 80 անձանց հավանական գերեվարության հանգամանքը, որոնց վերաբերյալ Ադրբեջանը որևէ տեղեկություն չի տրամադրում։
Ադրբեջանում ապօրինաբար պահվող հայ ռազմագերիների և պատանդների ազատ արձակման, ինչպես նաև անհայտ կորած անձանց ճակատագրերը պարզելու հարցերին զուգահեռ Արցախի ժողովրդի իրավունքների պաշտպանության տեսանկյունից մեծագույն կարևորություն ունեն Արցախում հայկական պատմամշակութային ժառանգության և մասնավոր գույքի պահպանության և Արցախի ժողովրդի հավաքական անվտանգ ու արժանապատիվ վերադարձի իրավունքի իրացման հարցերը»:
Հետևեք մեզ Viber-ում
