Նախագահը պետք է շարունակի աշխատել
Խորհրդարանում լրագրողների հետ զրույցում ՀՀ Սփյուռքի նախարար Հրանուշ Հակոբյանը նշեց, որ ոչ մի պատճառ չի տեսնում, որը կխանգարեր ՀՀ նախագահ Սերժ Սարգսյանին` շարունակել պաշտոնավարել 2018-ի ապրիլից հետո։ «Եթե ՀՀ նախագահն այսօր փայլուն ձևով իր գործառույթներն իրականացնում է, ուրեմն նա պետք է շարունակի աշխատել: Ի՞նչ եք ուզում: Ես հիմա այդ հարցի պատասխանը չեմ տալու, կգա ժամանակը կիմանաք», - ասաց նա: Պատասխանելով հարցին, թե որքանո՞վ է իրատեսական, որ մինչև 2040 թ. Հայաստանի բնակչության թիվը կկազմի 4 մլն, ասաց. «Եթե նախագահը հայտարարել է, ուրեմն դրան համապատասխան նաև հաշվարկներ, մոտեցումներ արդեն արվել են: Ինքս ժողովրդագրությամբ չեմ զբաղվում, մասնագետները հաշվարկել ու ճշգրտել են, հենց այնպես հանրապետության նախագահը թվերի մասին չէր խոսի»:
Հետևեք մեզ Viber-ում
