Ոչ մեկ չի ասում, որ ոստիկանությունում խոշտանգումեր տեղի չեն ունենում. Վարդան Եղիազարյան
Այսօր ԱԺ–ում «ՀՀ 2018թ. պետական բյուջեի մասին» ՀՀ օրենքի նախագծի նախնական քննարկմանը «Ելք» խմբակցության պատգամավոր Էդմոն Մարուքյանը նշեց, որ ոստիկանության 2018թ-ի բյուջեն 500 մլն դրամով կրճատվել է, և փոխոստիկանապետ Վարդան Եղիազարյանին հարցրեց, թե ինչու են 16 թ-ի ցուցանիշներին հետ գնում, գուցե դժգոհ են իրենց աշխատանքից: Մարուքյանը նաև նշեց, թե մամուլը գրում է, որ գողությունները չեն բացահայտվում: Վարդան Եղիազարյանն ի պատասխան նշեց. «Չի եղել, որ մեր թիվը կտրուկ տատանումներ տա: Եթե ժողովրդական լեզվով ասեմ, ոստիկանությունը երբեք յուղի մեջ չի եղել, սա 36 տարվա ստաժ ունեցող ոստիկանի կարծիքն է: Ինչևէ, որ ասում եք փոփոխություն չկա, թույլ տվեք չհամաձայնել: Ոստիկանության կողմից մատուցվող ծառայություններն անհամեմատ բարելավվել են՝ անձնագրային, ՃՈ սպասարկումից դժգոհությունները կտրուկ նվազել են, սակայն ոչ մեկ չի ասում, որ ոստիկանությունում խոշտանգումեր տեղի չեն ունենում, ծեծ, ջարդ եթե լինում էլ են եզակի դեպքերում, ապա խիստ պատժվում են»,-ասաց նա:
Հետևեք մեզ Viber-ում
