ԱԻՆ առանջնահերթություններից մեկը

2018 թվականին Արտակարգ իրավիճակների նախարարությունը քաղաքացիական պաշտպանության կետեր կստեղծի ևս 12 սահմանամերձ գյուղերում: Այս մասին նոյեմբերի 3-ին ասաց ԱԻ նախարար Դավիթ Տոնոյանը՝ ելույթ ունենալով ԱԺ մշտական հանձնաժողովներում 2018 թվականի պետական բյուջեի նախագծի քննարկման ժամանակ: Նրա խոսքով՝ ԱԻՆ առանջնահերթություններից մեկն է նման հենակետերի աջակցությունը: «Արդեն 10 կետ է ստեղծվել, որոնք հագեցած են բյուջեի խնայողությունների գումարների հաշվին: Իսկ անձնակազմը հավաքվել է կենտրոնական ապարատի կրճատման և մոտ 250 մարդու շրջաններում տեղաբաշխելու ճանապարհով: Նույնկերպ կկազմավորվեն նաև հետագա 12 կետերը»,- նշեց նախարարը: