Հայաստա՛ն, խնդրում եմ՝ հեռու մնա «Monsanto»-ից. Սերժ Թանկյան
Աշխարհահռչակ ռոք երաժիշտ Սերժ Թանկյանը Հայաստանի բնակիչներին կոչ է արել հեռու մնալ ամերիկյան «Monsanto» ընկերության արտադրանքից: Նա այս մասին հայտնել է ֆեյսբուքյան իր էջում: «Հայաստա՛ն, խնդրում եմ, հեռու մնա «Monsanto»-ից: Բավական է այն ապացույցը, որ «Monsanto»-ի ասփրեյները շրջակա միջավայրը թունավորել են և բերել մեղուների կտրուկ ոչնչացման: Նրանց գիշատիչ գենետիկորեն մոդիֆիկացված արտադրանքը մաքուր օրգանական մթերքի վերջն են նշանակում: Դրանք ձեզ համար վնասակար են և սարսափելի համ ունեն, եթե ավելին չասեմ: ԱՄՆ-ում և Եվրոպայում «Monsanto»-ն առաջին հերթին հայտնի է որպես չարիքի կորպորացիա՝ իր գործունեության, գյուղացիների հայցերի և այլնի համար: Երբ Հայաստանում եմ լինում և խնձոր եմ ուտում, այն մաքուր է, խրթխրթան ու համեղ: Խնդրում եմ, թող այն այդպիսին էլ մնա: Ես ԱՄՆ-ում այսպիսի խնձոր չեմ կարողանում գտնել «Monsanto»-ի պատճառով»,- նշել է Թանկյանը՝ կոչ անելով տարածել իր հաղորդագրությունը:
Հետևեք մեզ Viber-ում
