Իբրև հայ և համախոհ համայնքների ընտրողներին կողմնորոշիչ օգնություն, Հայ դատի Ամերիկայի հանձնախումբը, Կոնգրեսի ընտրություններին ընդառաջ, հրապարակել է իր հավանությունը վայելող 84 թեկնածուներից բաղկացած ցանկ, որի կազմությունը հիմնված է հանձնախմբի կողմից մշակված «օրենսդրական հաշվետվությունների քարտերի» վրա։ Դրանցով գնահատվում է յուրաքանչյուր գործող կոնգրեսականի՝ հաշվի առնելով Հայ դատի հանձնախմբի կողմից սահմանված՝ հայկական հետաքրքրություն ներկայացնող շուրջ 40 ոլորտներում նրանց նախընթաց կեցվածքն ու խոստումները։
Հայ դատի հանձնախումբը հավանություն չի տվել 2024 թ․ նախագահական մրցավազքի որևէ մասնակցի, քանի որ «ձախող» գնահատական է տվել ինչպես Թրամփ-Փենս վարչակազմին, այնպես էլ Բայդեն-Հարիս վարչակազմին՝ Ադրբեջանին զինելու, ցեղասպանությունը թույլատրելու և Արցախը լքելու համար: Նախագահի և Կոնգրեսի թեկնածուներից յուրաքանչյուրի մասին մանրամասն տեղեկատվություն հասանելի է հանձնախմի ընտրական կենտրոնում՝ հետևյալ հղմամբ։
ՀՅԴ Բյուրոյի Հայ դատի կենտրոնական գրասենյակի փոխանցմամբ, ըստ Հայ դատի Վաշինգտոնի գրասենյակի գործադիր տնօրեն Արամ Համբարյանի՝ Հայ դատի հանձնախումբն ուս-ուսի կանգնած է յուրաքանչյուր օրենսդիրի կողքին, ով արժանացել է հանձնախմբի հավանությանը և աշխատում է ապահովելու ընտրական հետևանքներ նրանց համար, ովքեր աջակցել են Ադրբեջանի կողմից Արցախի ցեղասպանությանը: Ավելի քան երբևէ, հայ և դաշնակից ընտրողները դիտվում են որպես առանցքային ուժ, որ կարող է նախագահական ընտրություններին ընդառաջ կարգավորել հավասարակշռությունը տատանվող նահանգներում և օրենսդիր իշխաննության համար մրցավազքում:
Թեկնածուների գնահատման համակարգն ամբողջացնում է հայկական հարցերի վերաբերյալ նրանց գործունեության ողջ պատմությունը, դրանցում նկատի են առնված նրանց կեցվածքը հայկական հետաքրքրության հարցերի շրջանակում, այդ թվում ելույթներ, բանաձևերի ներկայացում և սատարում, հանրային հնչեղության ապահովում, հայկական հարցերով հանձնախմբին անդամակցություն, այցելություն Հայաստան և Արցախ, մասնակցություն հիշատակման և այլ միջոցառումների, սատարում Հայ դատի հանձնախմբի կողմից քաջալերված բանաձևերին և այլն։
Հայ դատի Ամերիկայի հանձնախմբի սատարումը վայելող թեկնածուների ամբողջական ցանկը հասանելի է հետևյալ հղմամբ` https://www.ancnews.info/?p=22979
Փաշինյանը Պուտինի ծննդյան օրը կմեկնի Մոսկվա
Հոկտեմբերի 4-ին՝ ժամը 12:00-ին, Հայելի ակումբի հյուրն է Արամ Գասպարի Սարգսյանը
Հոկտեմբերի 4-ին՝ ժամը 15:00-ին, Հայելի ակումբի հյուրն է Սերգեյ Շաքարյանցը
Հոկտեմբերի 4-ին՝ ժամը 14:00-ին, Հայելի ակումբի հյուրն է Ձյունիկ Աղաջանյանը
Հոկտեմբերի 3-ին՝ ժամը 12:00-ին, Հայելի ակումբի հյուրն է Նարինե Դիլբարյանը
Հոկտեմբերի 3-ին՝ ժամը 16։30-ին, Հայելի ակումբի հյուրն է Տիրան Լոքմագօզյանը
Հոկտեմբերի 3-ին՝ ժամը 13։00-ին, Հայելի ակումբի հյուրն է Կարինե Նալչաջյանը
Հոկտեմբերի 3-ին՝ ժամը 11։00-ին, Հայելի ակումբի հյուրն է Էդգար Էլբակյանը
Հոկտեմբերի 2-ին՝ ժամը 15։00-ին, Հայելի ակումբի հյուրն է Արամազդ Զաքարյանը
Հոկտեմբերի 2-ին՝ ժամը 12։00-ին, Հայելի ակումբի հյուրն է Արա Վարդանյանը
Հետևեք մեզ Viber-ում
