Նպատակահարմար կգտնեն ինձ տեսնել՝ ուրախ կլինեմ, չէ՝ կուսակցությունում եմ. hraparak.am

Հարցազրույց ԱԺ տնտեսական հանձնաժողովի նախկին նախագահ Վարդան Այվազյանի հետ: - Պարոն Այվազյան, քաղաքականությանը հետեւո՞ւմ եք: Հիմա հանգստանում եք՝ հոգնել էիք: - Չէի ասի, թե հոգնել էի, չէի էլ ասի, թե հոգնելով է… արդյունքում այնպես ստացվեց, որ չեմ ընտրվել: Բայց ես Հանրապետական կուսակցության անդամ եմ, եւ ինչը որ կար առաջ, նույնն էլ հիմա է: - Իսկ աշխատանք, պաշտոն կուսակցությունից սպասո՞ւմ եք. մամուլը գրեց, որ Ձեր հարցը լուծվելու է 2018-ին, եւ լինելու եք գործադիրում: - Կրկնում եմ՝ ես Հանրապետական կուսակցության անդամ եմ. նպատակահարմար կգտնեն ընձի տեսնել՝ ուրախ կլինեմ, նպատակահարմար չեն գտնի՝ որպես կուսակցության անդամ կշարունակեմ: - Իսկ վիրավորված չե՞ք, որ բոլորին աշխատանք, պաշտոն տվեցին, Ձեզ մինչեւ հիմա՝ ոչ: - Ես հո բա՞ն չեմ, որ վիրավորվեմ կամ չվիրավորվեմ: Կամ ո՞ւմ՝ սաղին… ով պատգամավոր էր… - Դե, մեկին՝ այս երկրի դեսպան, մյուսին՝ այն: Վրաստանում դեսպան նշանակեցին Ձեր կուսակցին՝ Ռուբեն Սադոյանին: Դուք Վրաստանում էդքան կապեր ունեք․․․ - Դե, հիմա նորից եմ կրկնում՝ ըստ նպատկահարմարության որոշվում է, կա քաղաքական ղեկավարություն, որը որ որոշում է: Ու ես կասեի՝ ոչ, նեղացած չեմ, ու այդտեղ նեղանալու կամ չնեղանալու խնդիր չկա: Ընդհանրապես, էդ հարցերում նեղանալ կամ հակառակը չի կարելի: - Կառավարության նախագծերին, գալիք տարվա գլխավոր քաղաքական փաստաթղթին հետեւե՞լ եք՝ 2018-ի բյուջեին: Գիտեք՝ 5 հազարից ավելի աշխատատեղերի, սոցիալական, առողջապահական ծախսերի կրճատում: Գնաճ է տեղի ունենում, առաջին անհրաժեշտության ապրանքներ են թանկանում: Դուք ժամանակին Հանրապետական կուսակցության բոլոր նախագծերը, նախաձեռնությունները կրծքով պաշտպանողի դերում էիք: Հիմա ինչպե՞ս եք այս ամենին նայում՝ կողքից:  - Ճիշտն ասած՝ բյուջեին հանգամանալից չեմ ծանոթացել: Հիմա, գիտե՞ք, ամեն մի հանձնաժողովում գնում է բյուջեի մանրակրկիտ քննարկում, եւ ես բյուջեի նախագծի վերաբերյալ եզրակացություն տալուց այս պահին զրկված եմ: Չեմ կարող դրական կամ բացասական որեւէ բան ասել: Հուսով եմ, որ այս քննարկման փուլից հետո ամբողջական կարող եմ խոսել: - Հայտարարվեց, որ առաջիկա 2-3 տարիներին աշխատավարձի բարձրացում չի լինի, երեւի հիմա ավելի ազատ եք, խանութ եք գնում, տեսնում եք, թե ինչպես են մարդիկ ապրում, ինչ թանկություն է: - Էն ժամանակ էլ էի խանութ գնում ու էլի ազատ էի, չի եղել, որ իմ ազատության վրա սահմանափակում լինի: Ինչ վերաբերում է բյուջետային աշխատողների աշխատավարձի հետ կապված, որ մենք ունենք ամեն տարի պետական բյուջեով նախատեսված ծրագրային բարձրացումների խնդիր, որը մշտական կա: Իսկ մնացածը, նորից եմ ասում՝ ոլորտային կարող եմ խոսել միայն հանգամանալից ծանոթանալուց հետո: - Այս ընթացքում մարդկանց սոցիալական վիճակն էլ ավելի չի՞ վատացել: - Չէի ասի, ճիշտ ա՝ որոշակի գնաճ տեղի է ունեցել, բայց էդ գնաճը համաչափորեն բոլոր տեղերն ա: Ընենց չի, որ մենակ մեր մոտ է տեղի ունենում: Կան ընդհանուր տնտեսական տարբեր ազդեցություններ: Դա կարող է պայմանավորված լինել նաեւ դոլարի կուրսի բարձրացմամբ: Ես, օրինակ, մեր կողքի հարեւան երկրից երեկ եմ եկել, մի ամիս առաջ մեկ դոլարն արժեր 2.38 լարի, այսօր, հիմա՝ 1.58: Ու այնպես չէ, որ մեր ապրանքները ստեղ են արտադրվում, 80-90 տոկոսը դրսից է գալիս: Մանրամասները՝ hraparak.am-ում