«Զերծ մնացեք կապիկություններից».ազատամարտիկի հորդորը /տեսանյութ/
«Ազատամարտիկը հայրենիքի սիրո համար ամեն բանի ընդունակ է»,-Հայելի.am-ի թղթակցի հետ զրույցում ասաց ազատամարտիկ Պավել Մանուկյանը:
Անդրադառնալով նոյեմբերի 25-ին Նորք-Մարաշում վնասազերծված զինված խմբավորմանը աջակցելու մեղադրանքով կալանավորված ազատամարտիկներին, ազատամարտիկը նկատեց.«Սա շատ փնթի ձեռագիր էր: Ուղղակի մեկ անգամ ևս ցույց տվեցին, որ մեր պետական անվտանգության ծառայակիցները լավ տունտունիկ են խաղում»:
Պավել Մանուկյանն այս թեմայի մասին խոսելիս ժպտում է ու ընդգծում, որ չի կարելի խաղալ արյուն թափած մարդկանց հեղինակության հետ:
«Իշխանությունները քաջ գիտակցում են, որ մի օր հասնելու է այն պահը, երբ ազնիվ պայքարողները ըմբոստանալու են: Ազատամարտիկներին փորձեցին բաժանել ու չնայած շատերը շեղվեցին, բայց նրանց ըմբոստության կարիքը ժողովուրդը ունի: Անգամ հունը շեղած ազատամարտիկների մեջ լուրջ անհատականություններ կան, որոնք միավորվելու են»,-ընդգծեց ազատամարտիկը:
Պավել Մանուկյանը խորհուրդ է տալիս իշխանություններին. «Զերծ մնացեք կապիկություներից, այլապես պատմությունը վճիռ կկայացնի»:
Հետևեք մեզ Viber-ում
