Տղամարդը ծեծել է կնոջն ու իրենց երեխայի աչքի առաջ հինգերորդ հարկի պատուհանից դուրս նետել նրան
ՌԴ-ում տղամարդը ծեծել է կնոջն ու իրենց մանկահասակ երեխայի աչքի առաջ ու հինգերորդ հարկի պատուհանից դուրս նետել։ Դեպքը տեղի է ունեցել Ուֆայում։ Այս մասին հայտնում է Mash Batash տելեգրամյան ալիքը։
Սպանվածի ավագ դստեր խոսքով՝ դեպքի օրը կինը ամուսնուն գտել է ալկոհոլի ազդեցության տակ։ Տղամարդը, ինչպես աղջիկն է ասել, հարձակվել է կնոջ վրա և սկսել հարվածել նրա գլխին։
Ծեծկռտուքի ժամանակ կինը կորցրել է գիտակցությունը, իսկ տղամարդը նրան դուրս է նետել հինգերորդ հարկի պատուհանից։ Այդ պահին բնակարանում է եղել նաև նրանց համտեղ չորս տարեկան աղջիկը։
Տուժածը հոսպիտալացվել է, նրան ութ օր ցուցաբերել են անհրաժեշտ բուժօգնություն, սակայն կյանքը փրկել չի հաջողվել։
Ընտանիքի ղեկավարը խոստովանել է, որ ծեծել է կնոջը։ Նրանք 26 տարի է՝ ամուսնացած են եղել, երկու երեխաների մայրը հաճախ է վիճել տղամարդու հետ, պարբերաբար հաղորդում է տվել ոստիկանություն, սակայն հետ է վերցրել այն։
Աղբյուր` Փաստինֆո
Հետևեք մեզ Viber-ում
