Ինքը, եթե այդքան տղամարդ է, թող հրապարակի, ասի՝ ովքեր են գնացել խոսել, ինչ է ասել․ Բագրատ Սրբազան

Ով բերանը զազրախոսել է՝ դրա պատասխանը պետք է տա։ Մեր երկրում պետք է մարդ չլինի, որ խոսքերի համար պատասխան չտա։ Այս մասին լրագրողների հետ զրույցում ասաց Բագրատ արքեպիսկոպոս Գալստանյանը՝ անդրադառնալով Նիկոլ Փաշինյանի, ՔՊ-ականների դեմ ներկայացված և ներկայացվելիք հայցերին։

«Ինքը, եթե այդքան տղամարդ է, թող հրապարակի, ասի՝ ովքեր են գնացել խոսել, ինչ է ասել։ Մենք դատական գործեր ունենք զազրախոսների դեմ։ Սիվիկի դեմ ունենք, մեկը կա՝ կլոր դեմքով՝ կլոր ակնոցներով՝ Արթուր Հովհաննիսյան, խնդրել եմ մեր իրավաբաններին, որ տեսնեն՝ նրա նկատմամբ էլ հիմքերն առկա՞ն են հարուցելու։ Չարիքի դեմ ենք հարուցել»,- ասաց Բագրատ Սրբազանը։