Այս տարի խաչվերացի տոնին Մայր Աթոռ Սուրբ Էջմիածնից Ապարանի Սուրբ Աստվածածին եկեղեցի է տեղափոխվել Սուրբ Խաչի մասունքարանը
Այսօր` սեպտեմբերի 15-ին, նշում ենք այս տարվա վերջին տաղավար տոնը՝ Խաչվերացը: Հայ Առաքելական եկեղեցիներում առավոտյան մատուցվում է տոնական Սուրբ պատարագ: Խաչվերաց նշանակում է Խաչի բարձրացում: Խաչվերացը Տիրոջ փրկարար Խաչին նվիրված ամենկարևոր տոներց է, նշվում է սեպտեմբերի 11-17-ն ընկած ժամանակահատվածում: Հոգևոր հայրերը նշում են, որ Խաչվերացի տոնը հաղթանակի տոն է:Քիստոս հաղթեց մահվան կրելով Խաչը հանուն մարդկության փրկության:Հիսուս խաչի վրա ցույց տվեց իր անհուն սերը մարդկության հանդեպ խաչը դարձնելով հույսի, սիրո և փրկության առհավատչյան: Խաչը կրելով և Տիրոջը հետևելով՝ մարդը համոզվում է, որ այն պահպանում է իրեն չարի հարձակումներից, օգնում է հաղթահարել վնասակար կրքերը և պաշտպանում է վտանգներից: Խաչվերացը նվիրված է Քրիստոսի խաչափայտը գերությունից ազատելու պատմական դեպքին, երբ 7-րդ դարում պարսից զորքը, հասնելով Երուսաղեմ, Սուրբ Հարության տաճարից գերեվարել է Ասվածընկալ Սուրբ Խաչը: 20 տարի անց բյուզանդական զորքը խաչափայտն ազատագրել է գերությունից և հանդիսավոր թափորով տեղափոխել հայոց Կարին քաղաք,որտեղից Կոստանդնուպոլիս, այնուհետև Երուսաղեմ:
Քրիստոնեական եկեղեցիներն այս դեպքը հավերժացնելու համար հաստատել են Խաչվերացի տոնը: Ասում են , որ Քրիստոնյաները Քրիստոսի խաչափայտը բաժանել են միմյանց միջև և խաչի մասունքները տարածվել են աշխարհով մեկ: Մեր եկեղեցին ևս ունի խաչափայտից մասունքներ, որոնք պարբերաբար դուրս են բերվում հավատացյալներին օրհնություն բաշխելու: Այս տարի խաչվերացի տոնին Մայր Աթոռ Սուրբ Էջմիածնից Ապարանի Ափնա Գյուղի Սուրբ Աստվածածին եկեղեցի է տեղափոխվել Սուրբ Խաչի մասունքարանը:Խաչվերացին Հայաստանի տարբեր բնակավայրերում կազմակերպվում են ուխտագնացություններ: Ինչպես փաստում են գրավոր աղբյուրներն ու բանավոր ավանդությունը գրեթէ յուրաքանչյուր բնակավայր ունեցել է իր ուխտատեղին: Խաչվերացի հաջորդ օրը մեռելոց է:
Հետևեք մեզ Viber-ում
