Թամադայությամբ նկարել եմ «Մեր այբբենարանը»․ Հրանտ Թոխատյան

Արդեն տեղեկացրել ենք,որ Երևանի ավագանու այսօրվա նիստի որոշմամբ,Կանազմի մշակույթի տունը կհանձնվի  «Արվեստի այբուբեն» մշակութային հիմնադրամին: Երեւանի ավագանու «Ելք» խմբակցության անդամ Արայիկ Հարությունյանը հայտարարեց, թե Հրանտ Թոխատյանի աշխատանքի վերաբերյալ այսօր կասկածներ կան միայն այն առումով, որ նա եղել է ՀՀԿ խմբակցության ավագանու անդամ: «ՀՀԿ-ից հեռու մնալը շատ կարևոր է լինելու այս գործունեության ընթացքում, մենք կողմ ենք քվեարկելու, բայց ուշի-ուշով հետևելու ենք ձեր գործունեությանը», – ասաց Արայիկ Հարությունյանը: 10 տարվա ընթացքում   ներդնելու ենq 1 միլիոն դոլար գումա,հայտարարեց  Հրանտ Թոխատյանը: Դեմ քվեարկած «Երկիր ծիրանի» խմբակցության ավագանու անդամներից Մարինա Խաչատրյանն անդրադառնալով Հրանտ Թոխատյանի ստեղծած «Արվեստի այբբենարան» մշակութային հիմնադրամին 10 տարի ժամկետով անհատույց տնօրինման իրավունքով տրամադրվող շենքի հարցին՝ ասաց. «Այս հիմնադրամը շուրջ մեկ տարի գործում է: Մենք տեսնում ենք 0 դրամ նրա հաշվեհամարին»: «Մենք վստահ չենք, որ շենքում մշակութային գործունեություն կծավալվի: Շատ լավ գիտենք, որ Հրանտ Թոխատյանը հայտնի եւ սիրված թամադա է նրանց շրջապատում , սակայն Հրանտ Թոխատյանը նախկին 4 տարվա ընթացքում եղել է ավագանու անդամ եւ հենց նրա ավագանության օրոք, էլի լռելու համար էին մարդկանց բնակարաններ տրվում, ինքը շատ կողմ էր եւ ուրախ-ուրախ կողմ էր քվեարկում: Ավելի վատ բան՝ նրա ավագանի լինելու ժամանակաշրջանում է, որ պայթեցվել է նույն տպարանի շենքը, որը նույնպես մշակությային կոթող էր ներկայացնում: Ինչո՞ւ այն ժամանակ Հրանտ Թոխատյանը ձայն չի բարձրացրել եւ հիմա ուզում է մշակույթը բարձրացնել մոխիրների՞ց»,- հարց բարձրացրեց Մարինա Խաչատրյանը եւ հավելեց, որ Երեւան քաղաքը նման մարդկանց չեն վստահում: Լլրագրողների հետ զրույցում անդրադառնալով «Երկիր Ծիրանիի» այն որակավորմանը, թե ինքը գավառական թամադա է,Թոխատյանն  ասաց․ «Գիտեք, դուք եղել եք իմ ներկայացումներին, ինձ ընդունում եք որպես դերասան։ Այն մարդիկ, ովքեր տարիներ առաջ միայն քեֆերի են մասնակցել, ինձ տեսել են այնտեղ, որպես թամադա։ Իսկ թե ինչի եմ ես թամադայություն արել, այդ գումարներով ես նկարել եմ «Մեր այբբենարանը», այո, իմ թամադայությամբ»։ Հրանտ Թոխատյանի խոսքով՝ ներդրողներին դիմել է շատ վաղուց, շինարարական աշխատանքները սկսվելու են հենց վաղվանից․ «Ես ափսոսում եմ ինձ, ես ուզում եմ տարին 2 ներկայացում անեմ, դրա համար բեմ ա պետք։ Երբ ես բեմ եմ վերցնում վարձակալությամբ, դա շատ մեծ հաճույք ա»։