Տնօրենին հիվանդ , վզից բռնած՝ տանում են ՔԿ, ընդեղից շպրտում ՊԵԿ. Բագրատյանը նյարդայնացավ

Ազգային ժողովում  ՀՀ ֆինանսների նախարար Վարդան Արամյանը 2018 թվականի պետական բյուջեի քննարկման ժամանակ հայտարարեց .«Բնական մենաշնորհները խոշոր հարկատուների ցանկում առաջիններն են, եթե խոսքն այլ մենաշնորհների մասին է, ես նրանց կձևակերպեի՝ գերիշխող դիրք ունեցող տնտեսվարող սուբյեկտներ, նրանք եղել և մնալու են մեր ֆոկուսի հիմնական կենտրոնում:Խաղի կանոնները բոլորի համար պետք է նույնը լինեն, ու իրենք ջանում են՝ այդպես լինի»: «Պարոն նախարար, դուք ասում եք՝ գերիշխող դիրք, ես ասում եմ՝ մենաշնորհ: Եթե վառելիքի ոլորտում կա 3 ընկերություն՝ տվել եք՝ 60 տոկոս՝ CPS, 34 տոկոս՝ «Ֆլեշ», 6 տոկոս՝ «Մաքս Պետրոլ»: Ինչ-որ մեկը տեսե՞լ է, որ մարդիկ մրցակցեն, բայց շուկայում 1 դրամի տարբերություն չլինի: Տենց մրցակցություն աշխարհում կա՞: Ո՞նց է, որ միայն 400 է 3-ի մոտ էլ ու տարիներ շարունակ: Այսինքն՝ մենք մեզ ձե՞ռ ենք առնում, պարոն նախարար: Դուք ասում եք՝ երկհարթակը քննարկում է: Երկհարթակ գանգատարկման ընթացքում դիմում են Քննչական կոմիտե, զուգահեռ՝ տնօրենին հիվանդ վիճակում, վզից բռնած՝ տանում են Քննչական, ընդեղից շպրտում են Պետեկամուտներ: Եթե մենք ուզում ենք ձև անենք, եկեք այս քննարկումը չանենք, եթե ուզում ենք խնդիր լուծել, եկեք բաց խոսենք»,հարց ուղղեց «Ծառուկյան» խմբակցության պատգամավոր Սերգեյ Բագրատյանը: