Իսրայելական ուժերը գրոհել են իրանական 14 նավ

Իրանի Իսլամական հեղափոխության պահապանների կորպուսի հրամանատար, գեներալ-մայոր Հոսեյն Սալամին տեղեկացրել է, որ իսրայելական ուժերը գրոհել են իրանական 14 նավ, որպեսզի խոչընդոտեն նավթի արտահանմանը, ինչը հանգեցրել է Իրանի պատասխան գործողություններին, որը գրոհել եւ զավթել է 12 իսրայելական նավ՝ փաստորեն դադարեցնելով հետագա ռազմածովային առճակատումը, տեղեկացրել է Tasnim-ը։

«Երբ մենք հարված հասցրինք (զավթեցինք) հինգերորդ իսրայելական նավին, նրանք ձեռքները վեր բարձրացրին (ի նշան հանձնվելու) եւ համաձայնեցին դադարեցնել ռազմածովային դիմակայությունը,- ասել է գեներալ-մայոր Սալամին «Հաթամալ-Անբիա» կենտրոնատեղիում։- Նրանք գրոհել են մեր 14 նավեր, որպեսզի խանգարեն նավթի արտահանմանը։ Սկզբում մենք չգիտեինք, թե ով է կանգնած դրա հետեւում, որովհետեւ դա արվել էր գաղտնի, բայց ի վերջո մենք պարզեցինք դա. սիոնիստական վարչակարգը։ Մենք գրոհեցինք նրանց 12 նավերը, եւ երբ մեր ձեռքում հայտնվեց հինգերորդը, նրանք ձեռքները վեր բարձրացրին (ի նշան հանձնվելու) եւ հայտարարեցին ծովային դիմակայությունն ավարտված»։

Նրա խոսքով՝ բրիտանական ուժերը զավթել էին իրանական նավը Ջիբրալթարում, իսկ Թեհրանը փոխարենը զավթել էր Stena Impero նավը՝ նրանց ստիպելով հանձնվել։