Պուտինի դեմ հարձակման համար մեղադրվող Ադամ Օսմաևի կինը սպանվել է/տեսաշար/

Կիևի մարզում անհայտ անձինք գնդակոծել են այն ավտոմեքենան, որտեղ գտնվում էին Ռուսաստանի նախագահ Վլադիմիր Պուտինի դեմ մահափորձի համար մեղադրվող Ադամ Օսմաևը և նրա կինը՝ Ամինա Օկուևան, հայտնում է BBC-ի ռուսական ծառայությունը: Պատահարի հետևանքով Օկուևան զոհել է, ինչի մասին հայտնել են Ուկրանիայի ազգային ոստիկանությունում: Պատահարի մասին առաջինը պատմել Է Ուկրաինայի ներքին գործերի նախարարության ղեկավարի խորհրդական Անտոն Գերաշչենկոն Facebook-ի իր էջում: Ամինա Ակուեւայի մեքենան կրակահերթի է ենթարկվել մերձկիեւյան Գլեվախա գյուղի երկաթուղու մոտակայքում, կրակել են թփերի հետեւից: Ակուեւան մահացել է տեղում, իսկ նրա ամուսինը` չեչենական ծագմամբ Ադամ Օսմաեւը վիրավոր է: Սա առաջին մահափորձը չէ ` ուղղված այս զույգի դեմ: Ամենաթարմ դեպքն այս տարվա ամռանն է եղել: Հուլիսի 1-ին, ֆրանսիացի լրագրողի անվան տակ հանդես եկած Ուկրաինայի քաղաքացի Ալեքսանդր Դաքարը մի քանի անգամ կրակել էր Օսմաեւի վրա` իր իսկ մեքենայում: Հենց այդ պահին Ամինա Ակուեւան, որը պատերազմել է Դոնբասում` Դուդաեւի անվան ճակատում, պատասխան կրակ էր բացել մարդասպանի վրա, վիրավորել նրան, ինքն էլ ստացել հրազենային վիրավորում: Օսմաևը ձերբակալվել Էր 2012 թվականի փետրվարի 4-ին՝ Ուկրաինայի և  Ռուսաստանի հատուկ ծառայությունների համատեղ գործողության արդյունքում: Ուժայինները հայտարարել էին, թե նա մահափորձ էր պատրաստում Ռուսաստանի նախագահ Վլադիմիր Պուտինի դեմ: 2014 թվականի նոյեմբերին Օդեսայի դատարանն Օսմաևին ազատ է արձակել կալանքից: