Ժնևյան հանդիպում. առկա 3 նպատակը

Կովկասի ինստիտուտի ղեկավար, քաղաքագետ Ալեքսանդր Իսկանդարյանն այսօր լրագրողների հետ զրույցում ասաց, որ ՀՀ-ԵՄ համաձայնագիրը  կկնքվի նոյեմբերի 24-ին: «Ես կարծում եմ, որ քաղաքական խնդիրներ գործնականում չկան, խնդիրները տեխնիկական են։ Բայց երբեք մի ասա՝ երբեք, և եթե չհասցնեն նոյեմբերի 24-ին, ապա ավելի ուշ կստորագրեն, բայց հաստատ կստորագրեն։ Եվրոպացիների հետ համաձայնությունը կա, հարևանների հետ բարդությունները հարթվել են»,- նշեց նա: Անդրադառնալով Ժնևի հանդիպմանը՝ կարծիք հայտնեց, որ Ադրբեջանը փորձում է սահմանային լարվածությունների միջոցով ազդել բանակցային գործընթացի վրա՝ ի օգուտ իրեն։ «Ադրբեջանին կոնֆլիկտի կարգավորում այս պահին հաստատ հարկավոր չէ, նրանք զիջումների չեն գնա։ Ինչ վերաբերում է համանախագահներին, ապա այն, ինչով նրանք զբաղվում են, ոչ թե կոնֆլիկտի կարգավորման փորձեր են, այլ կոնֆլիկտի մենեջմենթ՝ բռնությունների նվազում։ Այսինքն՝ իրավիճակն այնպիսին է, ինչպիսին կա, ու այդպես էլ կմնա։ Ադրբեջանը որևէ մոտիվացիա չունի՝ իրավիճակը փոխելու: Կողմերնունեն 3 նպատակ՝ առաջին՝ «show must go on». եթե անգամ նրանք ոչնչից չեն խոսում, միևնույն է, եթե միջանցք կա երկրների միջև, դա ավելի լավ է, քան, եթե դա ընդհանրապես չլիներ։ Երկրորդ՝ դա պրոցեսի միջազգայնացում է։ Երրորդ՝ փորձել ստատուս-քվոն պահպանել, քաղաքական անվտանգություն պահպանել»,- նշեց մասնագետը: