Արարատի մարզում թալանել են Դաշտավան գյուղի դպրոցը.ինչ են գողացել

Հայաստանի քննչական կոմիտեի Արարատի մարզային քննչական վարչության Մասիսի քննչական բաժնում նախաքննություն է սկսվել երեկ՝ հոկտեմբերի 29-ին, Արարատի մարզում տեղի ունեցած գողության փաստով։ Դաշտավան գյուղի Գ. Տոնոյանի անվան դպրոցի տնօրեն, նույն գյուղի բնակիչ, 57-ամյա Լաուրա Շահվերդյանը Ոստիկանության Մասիսի բաժին հայտնել է, որ հոկտեմբերի 28-ի ժամը 23։00-ից մինչև հոկտեմբերի 29-ի ժամը 12։30-ն ընկած ժամանակահատվածում անհայտ անձը կամ անձինք դպրոցի առաջին հարկի 2-Բ դասարանի պատուհանը բացելու միջոցով ներս են մտել դպրոց, այնուհետև դասարանի և իր աշխատասենյակի դռան փականները կոտրելու միջոցով տնօրենի աշխատասենյակից գողացել են համակարգիչներ և պատճենահանման սարք։ Ոստիկանությունն ու քննչական բաժինը ձեռնարկում են անհրաժետ օպերատիվ-հետախուզական և քննչական համատեղ միջոցառումներ՝ հանցագործությոնը բացահայտելու ուղղությամբ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: