Ինչ կոչ են արել Երուսաղեմի հայկական և մյուս եկեղեցիները Իսրայելին

Երուսաղեմի քրիստոնեական համայնքների ներկայացուցիչները համատեղ հայտարարություն են ստորագրել և կոչ արել Իսրայելի իշխանություններին պահպանել եկեղեցիների իրավունքներն ու արտոնությունները՝ քննադատելով կառավարության փորձը՝ փոփոխելու եկեղեցական սեփականության ստատուս քվոն։ Այս մասին հայտնում է rusarminfo.ru-ն: «Մենք համատեղ դատապարտում ենք ստատուս քվոյի փոփոխման շարունակական փորձերը: Նման հարցերում եկեղեցիների առաջնորդները վճռական և համերաշխ են՝ դիմակայելու ցանկացած իշխանությունների և խմբերի ցանկացած գործողություններին, որոնք խաթարում են օրենքները, համաձայնագրերն ու կանոնները, որոնցով մենք առաջնորդվել ենք դարեր շարունակ»,- ասվում է հայտարարության մեջ: 2017 թվականի օգոստոսին Իսրայելի իշխանությունները որոշել էին քաղաքի հին հատվածում օտարել Երուսաղեմի հույն ուղղափառների պատրիարքարանին պատկանող մի քանի շենքեր։ Պատրիարքարանը բողոքարկել է վճիռը, սակայն դատարանը մերժել է բողոքարկումը։