Ըստ էկոնոմիկայի փոխնախարարի` 170,000-ի 70 տոկոսը կազմում է 150,000
Մեր երկրում ոլորտային բարձրաստիճան պաշտոնյաները չեն դադարում զարմացնել:
Երկու օր առաջ Երևանի կոնյակի գործարանի Այգավանի մասնաճյուղում Նիկոլ Փաշինյանի այն հարցին, թե որքան խաղող է վերամշակվում, էկոնոմիկայի փոխնախարար Արման Խոջոյանն արձագանքում է , որ անցած տարի վերամշակվել է 170,000 տոննա խաղող, որի 70 տոկոսը կամ 150,000 տոննան կոնյակի արտադրության համար:
Մաթեմատիկայից տարրական գիտելիքներ ունեցող ցանկացած մարդ 170000-ի 70 տոկոսը հաշվելիս դժվար թե ստանա 150,000:
Սակայն հաջորդ աբսուրդն այն է, որ Խոջոյանը մեկ ամիս առաջ իր ասուլիսի ընթացքում 2023 թ. վերամշակված խաղողի ծավալին անդրադառնալիս նշել էր 160,000 տոննա թիվը:
Մնում է պարզել, թե ինչո՞ւ է 10,000 տոննայով ավելացել անցած տարվա մթերման ծավալը, և պաշտոնյան չիմացության հետևանքո՞վ, թե՞ մտածված է ներկայացնում անհասկանի տեղեկատվություն հանրությանը և կառավարության ղեկավարին:
Հետևեք մեզ Viber-ում
