Սա պայքար է, մարաթոն, շարժում, կունենա և՛ վերելք, և՛ վայրէջք. Բագրատ սրբազան
![Սա պայքար է, մարաթոն, շարժում, կունենա և՛ վերելք, և՛ վայրէջք. Բագրատ սրբազան](/timthumb.php?src=/disc/22-08-24/2b9b7639e29c1f1a98ea3c1bcc2061e6.jpg&w=708)
Բագրատ Սրբազանը Սուրբ Աննա եկեղեցու բակում է, որտեղ նախատեսված է հերթական հանդիպումը քաղաքացիների հետ։
Մինչ հանդիպման մեկնաչկը լրագրողները մի քանի հարցեր ուղղեցին Սրբազանին։Մասնավորապես, թե ի՞նչ է սպասվում սեպտեմբեր ամսին։
«Ինչ խոսել ենք, ինչ ճանապարհ անցել ենք, դրա վերատեսությունն է։ Սա պայքար է, մարաթոն, շարժում, կունենա և՛ վերելք, և՛ վայրէջք։ Շատկերը կբացակայեն, շատերն էլ՝ կներգրավվեն»,- ասաց նա։
Հարցին, թե ինչպե՞ս է Սրբազանի առողջությունը, քանի որ հայտնի էր դարձել, որ նա եղել է Իզմիրյան ԲԿ-ում։
«Լավ եմ, շատ լավ»,- ասաց նա։
Անդրադառնալով, այն ասեկոսեներին, թե Սրբազանն աչք ունի Կաթողիկոսի աթոռին, Բագրատ արքեպիսկոպոս Գալստանյանն ասաց․ «Ես գիտեմ, որ անբարոյականությունը որոշակի իմաստով լավ չափանիշ է դարձել մեր կյանքում, հատկապես, այսպես կոչված , իշխանության և նեռի գլխավորությամբ սնվող աղբյուրների համար։ Բնականաբար անբարոյականությամբ սնվող մարմինը չի կարող բարոյականության մասին խոսել։ Երկուշաբթի օրը ես հանդիպել եմ Վեհափառին, հեռաձայնով շնորհավորել եմ իր տարեդարձը, իր օրհնությունն եմ հայցել»։