Կորած 13-ամյա աղջիկը հայտնել է, որ 17-ամյա տղան իրեն տարել է կիսակառույց շինություն և բռնաբարել
SHAMSHYAN.com-ի տեղեկություններով՝ հոկտեմբերի 28-ին՝ կեսգիշերին, Արարատի մարզի 13-ամյա Անժելա Մ.-ի հարազատները դիմել էին Ոստիկանության Արարատի բաժին և հայտնել, որ հոկտեմբերի 27-ին, առավոտյան ժամը 08:30-ի սահմաններում իրենց երեխան, ով սովորում է 8-րդ դասարանում, դուրս է եկել տանից, գնացել է դպրոց, սակայն չի վերադարձել տուն: Երեկ՝ հոկտեմբերի 28-ին, երեխան վերադառնալով տուն՝ ծնողներին հայտնել է, որ դասերից հետո ինքը վերադարձել է տուն, սակայն ճանապարհին Արարատ քաղաքի ավտոկայանից մի տղա իրեն տարել է Արարատ քաղաքի Մուրացանի փողոցի վերջնամասում գտնվող կիսակառույց շինություն, որտեղ հոկտեմբերի 27-ի լույս 28-ի գիշերը, իր կամքին հակառակ, բռնություն գործադրելով՝ սեռական հարաբերություն է ունեցել: Աղջկան տրվել է դատաբժշկի ուղեգիր և նշված հանցագործությունը կատարելու կասկածանքով Արարատի ոստիկանները որոնում են Արմավիրի մարզի բնակիչ, 17-ամյա Սերոբ Գրիգորյանին: Փաստի առթիվ Ոստիկանության Արարատի բաժնի հետաքննչական բաժանմունքում հետաքննություն է սկսվել:
Հետևեք մեզ Viber-ում
