Կորեայում հակամարտության դեպքում կորուստները՝ 300 000 մարդ

ԱՄՆ Կոնգրեսի հետազոտական ծառայությունը հրապարակել է զեկույց, որում ներկայացվում է Կորեական թերակղզում զինված հակամարտության հնարավոր հետևանքները: Փորձագետների եզրակացությամբ՝ այդպիսի հակամարտության առաջին օրերին զոհերի թիվը կարող է կազմել 30-300 000, հայտնում է Bloomberg-ը: «Ձգձգված հակամարտությունը, որի ընթացքում Հյուսիսային Կորեան կկիրառի իր միջուկային, կենսաբանական կամ քիմիական զենքը, կարող է հանգեցնել մեծաթիվ զոհերի և վնասել Ճապոնիայի և ԱՄՆ-ի տարածքը: Իրադարձությունների այդպիսի զարգացումը կարղ է հանգեցնել նաև Կորեական թերակղզում ԱՄՆ զինված ուժերի լայնածավալ մոբիլիզացման և մեծ թվով կորուստների զինվորականների շրջանում: Հյուսիսային Կորեայի հրետանին կարող է րոպեում մինչև 10 000 արկ արձակել: Զեկույցում նաև կանխատեսվում է հակամարտության արագ սրում, քանի որ դրա մեջ կներքաշվեն Չինաստանը, Ճապոնիան և Ռուսաստանը: Եթե ռազմական գործողություները ձգձգվեն, չի բացառվում, որ դրանցում ԱՄՆ-ն էլ ներգրավվի»,- ասվում է զեկույցում: