Այս աղջիկն է առարկաները հանում. Ագրարայինի դասախոս Մատինյանը կրկին անդրադարձել է պրոռեկտոր Մովսիսյանին

Ագրարային համալսարանի դասախոս Գվիդոն Մատինյանը Yerkir.am-ին տված հարցազրույցում խոսել է պրոռեկտոր Մարիամ Մովսիսյանի մասին։

Նա, մասնավորապես, նշել է.

«Վարդան Ուռուտյանը նշանակեց մի պրոռեկտոր, երիտասարդ աղջկա, մասնագիտությամբ փիլիսոփա՝ արտաքին կապերի և ուսումնական ծրագրերի զարգացման գծով 550000 դրամ աշխատավարձով: Իմ աշխատավարձից 10 անգամ ավել: Մարիամ Մովիսյանը կարճատև ժամանակով է լինում համալսարանում, անընդհատ գործուղումների մեջ է: Իսկ այդ կարճատև ժամանակահատվածում այնպիսի ֆանտաստիկ գործեր է անում: Ինքն է որոշում որ առարկան ով պետք է դասավանդի: Ես իր մոտ երկու անգամ եղել եմ: Մի անգամ ասացի ֆիզիկա առարկան անասնաբուժականից հանվել է: Ֆիզիկան ընդունելության քննություն է եղել բժշկականի, անասնաբուժականի համար: Ինձ ասաց հիմնավորեք: Այդ փիլիսոփա աղջկան ինձ համար դժվար էր հիմնավորելը, բայց ասացի գիտեք բոլոր սարքավորումները և կենդանիների ու մարդու օրգանիզմներում կատարվող բոլոր պրոցեսները, տեսողություն, լսողություն, արյունատար անոթներում ինչ օրենքներով է կատարվում արյան հոսքը ֆիզիկայի հետ առնչվում են: Թերթում է ինչ որ բուհերի տվյալներ և ասում է, չէ, ես ձեր առարկան չեմ գտնում: Հետո նույն բաժնում աշխատող Արայիկ Ամիրյանը, ինձ ասում է , որ արտասահմանյան 8 բուհերի ցանկ նայել եմ և ֆիզիկա առարկան դասավանդում են»: