Ավելի անմեղսունակ պահվածք, քան գերագույն գլխավոր հեծանվորդի տրվելը կայֆերին, երբ աշխարհը եռում է, պատկերացնել հնարավոր չէ. Լևոն Զուրաբյան
ՀԱԿ փոխնախագահ Լևոն Զուրաբյանը ֆեյսբուքյան իր էջում գրել է․
«Ավելի անմեղսունակ պահվածք քան գերագույն գլխավոր հեծանվորդի տրվելը օլիմպիական արձակուրդային կայֆերին մի վիճակում, երբ աշխարհը եռում է, իսկ հրդեհը սպառնում է տարածվել մեր երկրի վրա, պատկերացնել հնարավոր չէ:
Մինչեւ 1995 թվականը ՀՀ նախագահը եւ նրա աշխատակազմը ոչ արձակուրդ է ճանաչել, ոչ շաբաթ, եւ ոչ էլ կիրակի: Դրանից հետո Տեր-Պետրոսյանը երեք անգամ ընդամենը մեկ շաբաթ ժամանակով է մեկնել հանգստի Սեւանի ափի նախագահական ամառանոց:
Հայաստանի նման երկրի անվտանգության ռիսկերի կառավարումը այլ մոտեցում ուղղակի չի հանդուրժում: Իսկ Փաշինյանը եւ նրա թիմակից այլ բարձրաստիճան ղեկավարներն իրենց այնպես են պահում, կարծես Իսլանդիայի նման մի բարգավաճ եւ անվտանգության մարտահրավերներից ազատ երկիր են կառավարում»:
Հետևեք մեզ Viber-ում
