Մեքսիկացի գործընկերներին չի էլ հետաքրքրում Ադրբեջանի բողոքի նոտան.Շարմազանով
«ՀՀԿ-ն այս պահին 60 համայնքներում ունի համայնքապետի թեկնածուներ, Բարգավաճ Հայաստանը՝ 6, ՀՅԴ-ն 3, 39-ն էլ անկուսակցական թեկնածուներ են:Ինչպես տեսնում եք քաղաքական մրցակցությունը այդքան էլ մեծ ներկապնակ չունի:Որևէ լուրջ և անօրինական բաներ տեղի չեն ունեցել և ՀՀԿ-ն գոհ է իր թեկնածուների քարոզարշավից»,- ՀՀԿ ԳՄ նիստից հետո լրագրողներին հայտնել է կուսակցության մամլո խոսնակ Էդուարդ Շարմազանովը: Անդրադառնալով ադրբեջանական մամուլի տեղեկություններին, որ Ադրբեջանը բողոքի նոտա է հղել Մեքսիկային մեքսիկացի պատգամավորների Արցախ կատարած այցի համար նշեց. «Մեքսիկացի գործընկերներին չի էլ հետաքրքրում, որ բողոքի նոտա են հղել: Մեր գործընկերները շատ լավ իմացել են՝ ուր են գնում, մենք Արցախում ունեցել ենք բարձր մակարդակի հանդիպումներ: Ադրբեջանի իշխանությունները որ ասում են՝ պետք է ջանք չխնայել եւ հետաքննություն անցկացնել թե ոնց են հայտնվել Հայաստանում եւ Արցախում, կարիք չկա ջանք խնայելու: Մեքսիկացի պատգամավորները Հայաստան են եկել իմ հրավերով, այդ ընթացքում նրանք ցանկություն են հայտնել լինել Արցախ եւ շատ բարձր տրամադրությամբ վերադարձել են»:
Հետևեք մեզ Viber-ում
