Փողի ու թմրամիջոցի դիմաց իր անչափահաս երեխաների նկատմամբ սեքսուալ բնույթի բռնի գործողություններ կատարած ու նկարահանած մայրը կալանավորվել է

Իր անչափահաս երեխաների նկատմամբ սեքսուալ բնույթի բռնի գործողություններ կատարած մայրը կալանավորվել է։ Այդ մասին «Փաստինֆո»-ի հարցին ի պատասխան հայտնեցին ՀՀ քննչական կոմիտեից։

Ինչպես արդեն հայտնել ենք՝ այդ զազրելի դեպքն արձանագրվել է Երեւանում. 31-ամյա մայրը իր տանը սեքսուալ բնույթի բռնի գործողություններ է կատարել իր 12-ամյա դստեր և 11-ամյա որդու նկատմամբ, այդ թվում՝ նմանակել սեռական հարաբերություն, սեռական կարիքների բավարարում, ինչը տեսանկարահանել է եւ ֆեյսբուք սոցիալական ցանցի միջոցով ուղարկել տարբեր օգտատերերի՝ գումար ստանալու կամ թմրանյութ ձեռք բերելու համար։

ՀՀ ՔԿ մամուլի խոսնակ Գ. Աբրահամյանը «Փաստինֆո»-ին հայտնեց, որ դեպքի առթիվ նախաձեռնվել է քրեական վարույթ, որի շրջանակներում կինը կալանավորվել է։

Նրան մեղադրանք է ներկայացվել ՀՀ քրեական օրենսգրքի 198-րդ հոդվածի 2-րդ մասի 2- րդ և 4 -րդ կետերով, այն է՝ սեռական հարաբերություններ կամ սեկսուալ բնույթի այլ գործողությունները, այդ թվում սեռական հարաբերությունների նմանակումը կամ սեռական կարիքները բավարարելը, որոնք կատարվել են հանցագործությունից տուժած անձի կամքին հակառակ կամ նրա կամքն անտեսելով՝ անչափահասի նկատմամբ՝ օգտագործելով ընտանեկան դրությամբ կամ հաշմանդամությամբ պայմանավորված՝ խոցելի վիճակում գտնվելը։

Նշված հոդվածը նախատեսում է մինչեւ 10 տարվա ազատազրկում։