ԱԱԾ աշխատակիցները Կիրանցում փորձում են խոչընդոտել լրագրողներին, իսկ բնակիչներին՝ վախեցնել. Անի Գևորգյան
![ԱԱԾ աշխատակիցները Կիրանցում փորձում են խոչընդոտել լրագրողներին, իսկ բնակիչներին՝ վախեցնել. Անի Գևորգյան](/timthumb.php?src=/disc/26-07-24/c8326cf7f3c0b7f210086220eca0dfe8.jpg&w=708)
Լրագրող Անի Գևորգյանը, որը հիմա Կիրանցում է, տեղեկացնում է, որ ԱԱԾ աշխատակիցները Կիրանցում փորձում են խոչընդոտել լրագրողներին, իսկ բնակիչներին՝ վախեցնել։
«Երկու ամիս առաջ ,երբ ես Կիրանցում էի այս պատը չկար և ես ազատ քայլում էի, գնում էի դեպի կամրջի հատված։ Բայց, ինչպես գիտեք, կամուրջն անցնում է Ադրբեջանի վերահսկողության տակ, այստեղ արդեն պատ է դրված, գյուղը փաստացի կիսված է։ Նշեմ, որ արդեն երկու ժամից ավելի է գյուղում ենք։ Մեր ամեն քայլը հետևում են ԱԱԾ աշխատակիցները, փորձում են խոչընդոտել, նույնիսկ այն պարագայում, երբ գնում ենք բնակիչների տուն։ Նրանց հորդորում են, որպեսզի չխոսեն։ Քիչ է կիրանցեցիներին վտանգի առաջ են կանգեցրել, թշնաում առաջ են կանգնեցրել, հիմա էլ իրենք են բնակիչների փորձում վախեցնել։ Վախեցնելու մեխանիզմներից մեկն էլ այն է, որ փոխհատուցումներն ամբողջությամբ չեն տալիս, մաս-մաս են տալու։ Այստեղ խոսվում է,որ մաս- մաս տվել են։ Այսինքն՝ գյուղացիներին պահում են վախի մեջ՝ մի կողմից թշնամին, մյուս կողմից մեր ԱԱԾ աշխատակիցները թույլ չեն տալիս բնակիչներին՝ շփվել լրատվամիջոցների հետ»,- ասաց նա։