«Ես այն քչերից էի, որոնք «5» ստացան, երբ Վիգեն Սարգսյանը հանձնաժողովի նախագահ էր». Մարուքյանը պատասխանում է Վ. Սարգսյանին
ԱԺ-ում լրագրողների հետ զրույցում «Ելք» խմբակցության պատգամավոր Էդմոն Մարուքյանն անդրադարձավ ՊՆ նախարարի հայտարարությանը: Նշենք, որ Պաշտպանության նախարար Վիգեն Սարգսյանն այսօր ԱԺ ամբիոնից հայտարարել էր. «Ո՞նց է եղել, որ զինծառայության հետ բարձրագույն կրթություն է ստացել նույն տարիների ընթացքում, այդ ժամանակ հեռահար կրթություն չկար: Եթե նա ստացել է արտոնություն, ուզում եմ հարցնել՝ էդ ի՞նչ թաքուն պայմանավորվածությունների միջոցով է ստացել»: Էդմոն Մարուքյանը տեղեկացրեց. «Սովորել եմ առաջին կուրսը, հետո ծառայել, հետո՝ շարունակել ուսումը: ՀՀԿ-ականները շահարկում են փաստը, որ այդպիսի լավ օրինակներ կան, ուստի կարելի է ծառայել, հետո՝ կրթության եւ գիտությամբ զբաղվել: Հարցը հետեւյալն է՝ շատերը, որոնք բանակում չեն ծառայել, ՊՆ մեդալներ ունեն: Երբ ես սովորում էի Պետական կառավարման ակադեմիայում, մագիստրոսական թեզի պաշտպանության ժամանակ Վիգեն Սարգսյանը պետական հանձնաժողովի նախագահն էր: Քչերը «5» ստացան պաշտպանությունից, այդ թվում՝ ես, եւ Վիգեն Սարգսյանն ամենաշատ հարցերն ուղղեց ինձ, գուցե հիմա չի՞ հիշում: Եթե իմ կրթական ճանապարհի հետ կապված կասկածներ լինեին, Վիգեն Սարգսյանի ղեկավարած հանձնաժողովը ինձ «5» չէր նշանակի»:
Հետևեք մեզ Viber-ում
