«Mitsubishi» մակնիշի բեռնատարը բախվել է «Kia» և «Honda» մեքենաներին. վերջինիս վարորդը տեղում մահացել է

ՆԳՆ-ն մանրամասներ է հայտնել՝ Երևան-Սևան ավտոճանապարհին տեղի ունեցած ողբերգական վթարի մասին, որի հետեւանխով կա զոհ և տուժածներ։

«Փաստինֆո»-ն ՆԳՆ-ից տեղեկացավ, որ ահազանգն ստացվել է ժամը 16:59-ին՝ Կոտայքի մարզային փրկարարական վարչության ճգնաժամային կառավարման կենտրոնում առ այն, որ Երևան-Սևան ավտոճանապարհին բախվել է երեք ավտոմեքենա:

Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և հատուկ նշանակության փրկարարական աշխատանքների իրականացման կենտրոնի փրկարարական խումբը:

Պարզվել է, որ Երևան-Սևան ավտոճանապարհի մոտ 20-րդ կմ-ին բախվել են «Mitsubishi» մակնիշի բեռնատարը, «Kia» և «Honda» (վարորդ՝ Է. Մ., ծնված 1982 թ.) մակնիշների ավտոմեքենաները. Է. Մ.-ն տեղում մահացել է:

Մինչ փրկարարների կանչի վայր հասնելը՝ երեք տուժած հոսպիտալացվել է տարբեր բժշկական կենտրոններ:

Փրկարարները հոսանքազրկել են ավտոմեքենաները, Է. Մ.-ի դին դուրս բերել և մոտեցրել դի տեղափոխող ավտոմեքենային։