Բերքաբերցին՝ հողերի վերադարձի պահանջով ստորագրահավաքի մասին
Բերքաբերում ստորագրահավաք է սկսվել՝ Ադրբեջանի կողմից օկուպացված հողատարածքները վերադարձնելու պահանջով։ Սակայն, ինչպես «Փաստինֆո»-ի հետ զրույցում ասաց գյուղացիներից մեկը՝ Արայիկ Մադաթյանը, չեն ուզում այդ մասին խոսել՝ կարծելով, թե այդպես հարցը կշահարկվի։
«Եթե սկսենք այդ մասին խոսել՝ կդառնա բոլոլա»,- ասաց մեր զրուցակիցը։
«Ուզում ենք մենք մեր ուժերով այդ հարցը լուծելու գործընթացը սկսել։ Մեր համայնքում հիմա գործընթացին ամբողջությամբ դրական են տրամադրված, մենք մեր համար փորձում ենք լուծումներ գտնել, չենք ուզում, որ հարցը քաղաքականացվի կամ շահարկվի, չենք ուզում կողքից գյուղի համար «տղա բերենք»։ Հիմա գյուղացին փորձում է ճշտումներ անել՝ կվերադարձնեն, թե ոչ։ Խնդրում եմ, այս հարցը չքաղաքականացնենք, մենք ուզում ենք մեր ուժերով հարսնել խնդրի լուծմանը»,- ասաց Մադաթյանը։
Դիտարկմանը, թե հավատո՞ւմ են, որ Նիկոլ Փաշինյանը կարող է հասնել տարածքների վերադարձին՝ նա պատասխանեց, որ հավատում է նրան, ինչ տեսնում է. «իսկ ես տեսնում եմ պայծառ ապագա մեր գյուղի համար»։
Նշենք, որ Բերքաբերի հատվածում մոտ 950 հա տարածք գտնվում է Ադրբեջանի օկուպացիայի տակ։ Տավուշի շրջանում կատարված սահմանազատման ու սահմանագծման ընթացքում Հայաստանը միակողմանի զիջումների գնաց՝ Ադրբեջանին հանձնելով տարածքներ, իսկ վերջինս այդպես էլ չվերադարձրեց գեթ մեկ մետր տարածք։
Հետևեք մեզ Viber-ում
