Ադրբեջանական կողմը հայտնում է, որ Փաշինյանը հրաժարվել է Ալիևի հետ հանդիպումից
![Ադրբեջանական կողմը հայտնում է, որ Փաշինյանը հրաժարվել է Ալիևի հետ հանդիպումից](/timthumb.php?src=/disc/18-07-24/fc5adc306c6dd4399b8c92951a9ae5ce.jpg&w=708)
Նիկոլ Փաշինյանը հրաժարվել է հանդիպել Իլհամ Ալիևի հետ։
Այս մասին հայտնել է Ադրբեջանի նախագահի օգնական Հիքմեթ Հաջիևը։ «Փաշինյանի հրաժարումը Լոնդոնում Իլհամ Ալիևի հետ հանդիպելուց մենք համարում ենք նահանջ խաղաղության օրակարգից»,- ասել է նա։
Հայաստանի վարչապետի լրատվականը այս մասին որևէ բան չի հայտնում։
Նշենք, որ թե՛ Փաշինյանը, թե՛ Ալիևը գտնվում են Մեծ Բրիտանիայում, որտեղ մասնակցում են Եվրոպական քաղաքական համայնքի գագաթնաժողովին։