Sex sells-ը ներկայացված է չափից դուրս ցածրակարգ ու տհաճ զգացողություններ առաջացնող է
Հասմիկ Հարությունյանի ֆեյսբուքյան գրառումը
«Վերջին 3 օրվա ընթացքում շատ-շատերը իմացան, որ «Բիոկաթը» սառը սուրճ արտադրանք ունի: Կարելի է ասել՝ Հանրապետության հրապարակում կարմիր ներքնազգեստով ոտաբոբիկ աղջիկը կատարեց իր առջեւ դրված առաջադրանքը: Հաշված ժամերի ընթացքում հազարավոր մարդիկ Ֆեյսբուքում, Տիկ Տոկում, Ինստագրամում տարածում էին, թե ինչպես է աղջիկը սուրճ խմում: Սա մարքեթինգի, գովազդի թիվ մեկ խնդիրն է, որ մարդիկ տեղեկանան արտադրանքի մասին:
Ես գովազդը չեմ հավանել, բայց․․․
Արդյո՞ք գովազդը հիշվող է, այո, բայց կարճաժամկետ կտրվածքով: Որոշ ժամանակ անց ավելի շատ կհիշվի կարմիր ներքնազգեստով աղջիկը, քան գովազդվող արտադրանքը:
Գովազդը ուժեղ զգացմունքներ առաջացնում է՝ այո:
Գովազդը էսթետի՞կ է (ինձ համար միշտ շատ կարեւոր է, որ կադրը լինի էսթետիկ, խոսքը՝ գեղեցիկ)՝ ոչ:
Գովազդը թիրախավորվա՞ծ է՝ այո: Առհասարակ հայկական գովազդներում կինը շատ հաճախ է թիրախավորվում բացասական երանգով: Օրինակները՝ շատ-շատ են: Մի օր ժամանակ գտնեմ էտ մասին կգրեմ:
Մարքեթինգում ասում են sex sells: Տվյալ գովազդում sex sells-ը ներկայացված է չափից դուրս ցածրակարգ ու տհաճ զգացողություններ առաջացնող ու դժվար թե վաճառի:
Արդյո՞ք գովազդը կնպաստի արտադրանքի վաճառքին՝ դժվար, որովհետեւ կարճ հոլովակում ոչինչ չի ասվում սուրճի մասին»:
Հետևեք մեզ Viber-ում
