«Որքան տգետ ու բթամիտ լինես, այնքան կանաչ ճանապարհ է բացվում դեպի «վերեւների» վստահությունը»
Գորիսի նախկին քաղաքապետ Սամվել Հարությունյանն իր ֆինանսական միջոցներով է իր քարոզարշավն իրականացնում: Վերջինս մասնակցելու է նոյեմբերի 5-ին կայանալիք ՏԻՄ ընտրություններին: «Ես, առհասարակ, իմ քարոզարշավների ընթացքում շատ քիչ միջոցներ եմ ծախսել, այդքան մեծ միջոցներ չունեմ, շատ քիչ է, իմ աշխատավարձը մաքուր 48 հազար է: Ես զավակներ ունեմ, եղբայրներ ունեմ, չեմ ասում, թե անապահով եմ, կարող եմ առանց որևէ պաշտոնի հանգիստ ապրել, բայց չնչին միջոցներ եմ ծախսելու քարոզարշավի ժամանակ», - լրագրողներին ասաց Սամվել Հարությունյանը: Այնուհետև, պատասխանելով լրագրողներից մեկի հարցին, կապված այնտեղեկությունների հետ, որ թեկնածուներից ինքնառաջադրված Արշակ Մկրտչյանը ճնշումների ներքո է ինքնաբացարկ հայտնել, ասաց, որ նման բան չկա: «Չեմ բացառում, որ նա իր ցանկությամբ է ինքնաբացարկ հայտնել: Հակված չեմ մտածելու, որ իրեն ստիպել են: Մենք, միեւնույն է, միմյանց դեմ չպետք է պայքարեինք: Դա միանշանակ է, որովհետեւ ճանաչում ենք իրար: Նա տոհմիկ գորիսեցի է, ինչպես ես»,- նշեց նա: Դիտարկմանը, որ Արշակ Մկրտչյանն ասել է, որ ինքը հանել է թեկնածությունը՝ «հանուն համերաշխության եւ խաղաղության», Սամվել Հարությունյանը նկատեց. «Համերաշխությունն անհրաժեշտ է, բայց արհեստական կայունություն պետք չէ: Գորիսում բարոյահոգեբանական ծանր վիճակ է, եւ պատասխանատվության զգացումն է իրեն ստիպել առաջադրվել: Գորիսում բանը հասել է նրան, որ Արցախյան ազատամարտին մասնակցությունը մեղք է համարվում: Որքան տգետ ու բթամիտ լինես, այնքան կանաչ ճանապարհ է բացվում դեպի «վերեւների» վստահությունը»:
Հետևեք մեզ Viber-ում
