2 տարի 7 ամիս մարդն անազատության մեջ է գտնվել՝ ուղղակի քաղաքական նպատակահարմարությունից ելնելով. Մանուկյան
«Արմավիր» ՔԿՀ-ում բազմաթիվ քաղբանտարկյալներ են հիմա գտնվում, ում պարբերաբար այցելում ենք։ Հիմա Մամիկոն Ասլանյանին կազատեն, կա, բնականաբար, ուրախություն, բայց նաև կա ողբերգություն՝ 2 տարի 7 ամիս մարդն անազատության մեջ է՝ ուղղակի քաղաքական նպատակահարմարությունից ելնելով, ուղղակի իշխանությունների անձնական վրեժխնդրությունից ելնելով։ Այսօր լրագրողների հետ զրույցում ասել է ՀՀ ԱԺ «Հայաստան» խմբակցության պատգամավոր Գեղամ Մանուկյանը։
Նրա փոխանցմամբ՝ Մամիկոն Ասլանյանի դեպքը մի քիչ շատ ավելի յուրահատուկ է, նա ընդդիմադիր պայքարի առաջին ճակատում չէր, ուղղակի ձերբակալվել էր ու կալանքի տակ 2 տարի 7 ամիս պահվել, որովհետեւ կարող էր լինել այս իշխանության քիմքին ոչ հաճո համայնքի ղեկավար։
Աղբյուր` Փաստինֆո