Պայքարը սատանայի, նեռի դեմ է, ու դա հենց հոգեւորականի պայքար է, կառավարական ամառանոցում այնքան անհանգստացած են, որ անգամ գուշակներ են հրավիրում ու հարցնում, թե ինչ է լինելու. Բագրատ Սրբազան
«Մեծ մայրիկներից մեկն ինձ ասում էր, որ հանկարծ այս շարժումը երևույթապես ժամանակ վատնելու չտանես, պետք է հասցնել ավարտին:
Սա ամենամեծ պատգամն ու ուղերձն էր, որից հետո ես միայն կարող եմ լուռ մնալ։ Ես բազմաթիվ առիթներով ասել եմ, որ ինձ մի կյանք է տրված ու այն ուխտն եմ արել, որ մեր երկիրը, մեր պետությունը պետք է ազատագրվի այս չարիքից, մայրիկ ջան։ Ձեր օրհնությամբ թող լինի, ձեր թաց աչքերի պատասխանը թող լինի»,- Աբովյան քաղաքում բնակիչների հետ հանդիպմանն ասել է Բագրատ Սրբազանը:
Նա արձանագրեց, որ պայքարը սկսվել է ի նշան բողոքի` իրականացվող ապօրինի սահմանազատման ու սահմանագծման, այն միջազգային ոչ մի չափանիշի չի համապատասխանում, իրականացվում է թշնամու ճնշման տակ` միակողմանի:
«Սրբազան շարժման» առաջնորդներն աբովյանցիներին ասացին, որ նման հանդիպումների ֆորմատ են որդեգրել, որպեսզի համայնք առ համայն տեղեկացնեն, իրազեկեն շարժման նպատակի մասին:
Անդրադառնալով հունիսի 12-ի իրադարձություններին` Բագրատ Սրբազանը նշեց, որ գործ են ունեցել հանցագործների հետ, ովքեր արյուն են տենչում, դա եղել է կարմիր գիծ, կարևոր ջրբաժան, որը ցույց տվեց, թե ինչ ճանապարհով է առաջ գնալու շարժումը:
Նա վստահեցրեց, որ առաջիկայում կլինեն տարբեր գործողություններ, սակայն հիմնական թիրախն այն է, որ բոլոր հնարավոր եղանակներով հասնեն այս մարդու հեռացմանը:
«Դա մեր ներկայի հրամայականն է, անցյալի հրամայականն է , սա պետք է լինի յուրաքանչյուրիս անձնական պայքարը, այլապես չկա նպատակ, կարող էի ասել` փորձեցի, չեղավ, ոչ, ինձ համար սա դարձել է անձնական », -ասաց Բագրատ սրբազանը:
Նրա խոսքերով` շարժումը երեք շերտ ունի՝ պայքարը սատանայի , նեռի դեմ, որը մեր երկրում մարմնավորված է և նստած է կառավարության առաջին շենքում, այդ պայքարը հենց հոգևորականի պայքար է, այդ մասով կառավարական ամառանոցում այնքան անհանգստացած են, որ անգամ գուշակներ են հրավիրում ու հարցնում, թե ինչ է լինելու: Խառնված են իրար, դրա համար զոռով ուղարկում են մարզեր` այցերի ու հեծանիվ քշելու:
Երկրորդը` ստի դեմ պայքարն է ու երրորդը` ազգային-ազատագրական:
«Պետք է մեր բոլոր արժեքները վերադարձնենք, որ այս չարիքի պատճառով կորցրել ենք, հայրենիք վերկանագնելու ենք եկել, ազգերի մեջ գլուխներս բարձր քայլելու», - ասել է Սրբազանը
Աղբյուր` Փաստինֆո
Հետևեք մեզ Viber-ում
