Արտակարգ դեպք՝ Արարատի մարզում

Այսօր՝ հուլիսի 14-ին, արտակարգ դեպք է տեղի ունեցել Արարատի մարզում։ Ժամը 17:00-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Արտաշատ-Երևան ավտոճանապարհին՝ Բերքանուշ գյուղի վարչական տարածքում, մեքենա է այրվում։

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են Արտաշատի թիվ 23 հրշեջ-փրկարարական ջոկատից 1 մարտական հաշվարկ։

Մինչ հրշեջների ժամանումը՝ «Mercedes» մակնիշի ավտոմեքենայում առաջացած կրակի դեմ պայքարել է վարորդը՝ Սյունիքի մարզի բնակիչ 49-ամյա Մայիս Զ.-ն։

Ըստ նախնական տեղեկությունների բարեբախտաբար տուժածներ չկան։

Դեպքի փաստով ոստիկանության Արտաշատի բաժնում փաստաթղթեր են ձևակերպվում, որտեղ էլ պարզելու են՝ ինչ հանգամանքներում է ավտոմեքենան բռնկվել։