Փաշինյանի կուսակիցը բացահայտել է, թե ինչպես է Փաշինյանը կողքը պահում պատգամավորներին․ գնահատական
«Մայր Հայաստան» շարժման ղեկավար Անդրանիկ Թևանյանը ֆեյսբուքի էջում գրում է․
«Օրերս ԱԺ-ում հերթական պարգևավճարն են բաժանել: Ամենայն հավանականությամբ՝ փաշինյանենց համար ատելի Սահմանադրության օրվա կապակցությամբ: ՔՊԿ-ականները չեն պատրաստվում ստացված պարգևավճարներն ուղղել բարեգործական նպատակի:
Նիկոլ Փաշինյանի կուսակիցն ակամայից բացահայտել է «ժողվարչապետի» կառավարման տեխնոլոգիան ու թիմակիցներին պահելու մեթոդը:
«Հիփոթեքով բնակարան եմ ձեռք բերել և դեռ 50 հազար դոլարի չափով պարտք եմ բանկերին... Եվ իմ նման են իշխող թիմի 99 տոկոսը, ովքեր նույնպես հիփոթեքի տակ են ապրում և իրենց համար ցանկացած գումարը կենսական անհրաժեշտություն է...»,- հայտարարել է Փաշինյանի թիմակից պատգամավորը՝ այդպիսով բացահայտելով, թե ինչպես է իր կողքը պահում Փաշինյանը պատգամավորներին ու խոստովանելով, թե ո՞րն է ՔՊԿ-ականների բուն մոտիվացիան:
Փաշինյանը բոլորին վարկային գերության մեջ է պահում, որպեսզի նրանք հանուն այդ վարկը փակելու՝ ատամներով պաշտպանեն իշխանությունը: Կարճ ասած՝ փողն է ՔՊԿ-ականների մոտիվացիան, իսկ այդ մոտիվացիայի գինը՝ Հայաստանը (Արցախով նրանք արդեն վճարել են)»:
Հետևեք մեզ Viber-ում
