Պատահար «Դաբլթրի բայ Հիլթոն» հյուրանոցի մոտ. ավտոմեքենայում պայթյուն է եղել, կան վիրավորներ

Այսօր՝ հուլիսի 8-ին, արտակարգ դեպք է տեղի ունեցել Երևանում։ shamshyan.com կայքի տեղեկացմամբ՝ Ժամը 13։25-ի սահմաններում օպերատիվ տեղեկություններ են ստացվել, որ Գրիգոր Լուսավորիչ փողոցում՝ «Դաբլթրի բայ Հիլթոն Երևան» հյուրանոցային համալիրի հարևանությամբ ավտոմեքենայում պայթյուն է տեղի ունեցել և կան տուժածներ։

Ըստ նախնական տեղեկությունների պայթյունը առաջացել է «Nissan» մակնիշի ավտոմեքենայում, որը ունեցել է հեղուկ գազի արտահոսք՝ հրդեհի բռնկմամբ և մինչ հրշեջների ժամանումը քաղաքացիները իրենց ուժերով մարել են կրակը։ Ավտոմեքենան դարձել է ոչ շահագործելի։

Պարզել են, որ պայթյուն-հրդեհի հետևանքով 2 քաղաքացի տեղափոխվել է «Այրվածքաբանության և մաշկաբանության ազգային կենտրոն» փակ բաժնետիրական ընկերություն։

Ոստիկանությունն ու պարեկային ծառայությունը պարզում են ավտոմեքենայի սեփականատիրոջ, վարորդի և վիրավորների ինքնությունը։