ԵՄ-ի բլեֆն ու ռուսական միլիարդները. ինչու է Փաշինյանը բլեֆով զբաղված․ Անդրանիկ Թևանյան

ԵՄ անդամակցության թեման բլեֆ է: Այդ մասին գիտեն Նիկոլ Փաշինյանն ու արևմտաթուրքական ուժերի տնաբույծ ներկայացուցիչները, բայց փորձում են «մակարոնեղեն» կախել իրենց հավատացող փոքրաթիվ մարդկանց ականջներից:

Միայն տնտեսական ցուցանիշները բավարար են, որպեսզի պարզ լինի, որ օրվա իշխանությունը ԵԱՏՄ-ից օգտվում է: Իսկ եթե օգտվում է և հարստանում, ապա դեպի ԵՄ գնալը բլեֆ է:

Միայն ՌԴ-ի հետ առևտրաշրջանառությունը 2023թ. կազմել է ավելի քան 7 միլիարդ ԱՄՆ դոլար: Այս տարի սպասվում է դրա կրկնակին:

Զուգահեռ էքսպորտից շահում են Փաշինյանին կից օլիգարխները: Նաև՝ տեղական բանկերը, որոնք բառիս բուն իմաստով ռեկետով են զբաղված: Փորձագիտական գնահատականներով՝ ՀՀ բանկային ոլորտի այս տարվա շահույթը կկազմի շուրջ 800 միլիոն դոլար:

«Ընդդիմադիր» Փաշինյանը քննադատում էր բանկային թալանը: Նրա իշխանության օրոք այդ թալանը բազմապատկվել է:

Վերադառնալով ԵՄ-ի թեմային: ԵՄ-ի հետ տնտեսական հարաբերությունները, մեղմ ասած, համեմատելի չեն ՌԴ-ի հետ առևտրաշրջանառության ծավալների հետ: Հայկական մրգերը, խմիչքները ԵՄ-ին հետաքրքիր չեն: Այնպես որ սրանք ԵՄ-ի թեման քաղաքական նպատակով են դրել շրջանառության մեջ, որպեսզի փորձեն թաքցնել ադրբեջանական պահանջով Սահմանադրության փոփոխության հարցը:

Ռուսական «ANNA news»-ի առաջարկով անդրադարձել եմ հայ-ռուսական տնտեսական կապերին վերաբերող որոշ ասպեկտների:

Հոդվածին կարող եք ծանոթանալ այս հղումով։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից