Սկանդալից հետո ադրբեջանցի մարզիկը ցմահ որակազրկվել է
Խառը մարտարվեստների ադրբեջանցի մարզիկ Ջավիդ Ռզաևին արգելվել է մասնակցել մենամարտերին ռուս մարզիկ Արթուր Կուլինսկու հասցեին հնչեցրած վիրավորական արտահայտությունների համար։ Այս մասին գրում է Ռիա նովոստին։
Մայիսի 22-ին Մոսկվայում կայացած մրցաշարում Ռզաևը հաղթել է ռուս Սերգեյ Պրիխոդկոյին։ Դրանից հետո ութանկյունից նա վիճաբանության մեջ է մտել Արթուր Կուլինսկու հետ՝ նրան անվանելով «ռուս խոզ» և փորձել ծեծկռտուք սկսել։ Ավելի ուշ Ռզաևը ներողություն է խնդրել Կուլինսկուց, ինչպես նաև նշել, որ չի ցանկանում վիրավորել ռուս ժողովրդին։
«Hardcore FC լիգան կայացրել է միակ հնարավոր որոշումը՝ դադարեցնել Ջավիդ Ռզաևի ելույթները մեր կազմակերպությունում: Մոտ ապագայում մենք հուսով ենք, որ Ջավիդից կլսենք ավելի մանրամասն, հիմնավոր դիրքորոշում: Հուսով ենք, որ ոչ միայն խոսքով, այլև գործով նա պատրաստ կլինի պատասխան տալ իր ասածների համար՝ դրանով իսկ արժանանալով բոլորի ներմանը»,- ասված է լիգայի հայտարարության մեջ։
Ավելի վաղ Ռուսաստանի բռնցքամարտի ֆեդերացիան հայտարարել էր Ռզաևի ցմահ որակազրկման մասին, որը նաև Ռուսաստանի Դաշնության գլխավոր դատախազությանը հաղորդում էր ներկայացել մարզիկի դեմ նրա վիրավորական հայտարարությունների վերաբերյալ։
Հետևեք մեզ Viber-ում
