Հերթական «հայկական» սկանդալը օդանավակայանում. չեղարկվել է թռիչքից առաջ Քիշնև-Երևան չվերթը. պատասխանատու չկա

Թռիչքից մի քանի ժամ առաջ FlyONE ընկերությունը չեղարկել է Քիշնև- Երևան չվերթը` առանց նախազգուշացման, և փաստի առաջ է կանգնեցրել Երևան և այլ ուղղություներով մեկնողներին: Այս մասին Lurer.com-ին ահազանգեցին Մոլդովայից հայ ուղևորներ, որոնց իրենց բնութագրմամբ ամենափնթի ու անպատասխանատու կերպով «քցել»է ընկերությունը, կանգնեցրել է փաստի առաջ: Ի դեպ ընկերությունը թույլ է տվել անգամ ուղեւորներին «ռեգիստրացիա» անցնել, սակայն հենց այդ պահին համակարգը չի գրանցել Քիշնև- Երևան մեկնողների տվյալները: Ի՞նչ այլընտրանք է առաջարկվում ձեզ ավիաընկերությունը, Lurer.com-ի հարցին պատասխանեցին` ոչինչ:

Մեր հայրենակցի խոսքով միակ բանը որ առաջարկվում է իրենց տոմսերի գումարը հետ վերցնելն է.

Իսկ ինչ ժամկետով է հետաձգվել չվերթը, հետաքրքրվել են մելդովայի օդանավականում սպասող մարդիկ, պատասխանը հնչել է ամենաաբսուրդային ձևով մոտավորապես այսպես` մենք թեմայի մեջ չենք, Երեւան զանգեք եթե կգտնեք պատասխանատուին, թող բացատրի ինչու է անորոշ ժամկետով թռիչքի օրն ու ժամը փոխել` մեկնումից առաջ: Մենք ոչ հյուրանոց կարող ենք առաջարկել, ոչ ծախսեր վերցնել մեզ վրա, ոչ էլ կարող ենք ասել` երբ է չեղարկված չվերթն ի վերջո կայանալու։

Ուրեմն ինչ անել` զայրացած հարցնում են փաստի առաջ կանգնած ուղեւորները, որոնք կեսգիշերն անց` ժամը 3-ին պիտի մեկնեին Երեւան, բայց դիմավորողներին չեն էլ հասցրել բացատրել, որ Հայաստանում ամեն ինչ էնքան է բարձիթողի վիճակում, որ չեղարկված չվերթի համար մի կենդանի շունչ չեն գտնում Երեւանում, որ սպառիչ պատասխան տա ու ստանձնի պատասխանատվություն։

«Կեսգիշերով, երկու սուտկա ճամփա եմ ընկել, հասել եմ Ուկրաինայից Քիշնև, ու հիմա ինձ ասում են` բա էժան տոմս ես առել, մեր ավիաընկերությունը էժան տոմսեր է վաճառում մենք չենք կարող ձեզ համար հյուրանոցի կամ գիշերակացի և այլ ծախսեր հոգալ, մաքսիմում կարող ենք ցումարը հետ տալ և տրամադրել էլ. հասցե, մնացած հարցերով զանգեք Երևան, բոլոր որոշումները կայացնում են Երեւանում, ոչնչով չենք կարող օգնել»:

Մեզ ահազանգելուց հետո մի քանի անգամ փորձել ենք տվյալ ավիաընկերության աջակցության կենտրոն զանգել, սական մեր զանգերը մնացել են անպատասխան։

Ստիպված մասնավոր կապերով փորձել ենք ճշտել ու նոր տողեկություն հաղորդել Մոլդովայում անորոշության մեջ սպասող մեր հայրենակիցներին, բայց չկարողացանք օգտակար լինել։

Սույն ավիաընկերության հետ կապված մեր հարցուփորձին մարդիկ արձագանքում են շատ ավելի կուրիոզ դեպքեր հիշելով: Նրանք առաջարկում են քանի դեռ տոմսերը հետ են վերցնում ուրեմն թող առիթից օգտվեն, չի բացառվում որ վաղը կարող են նաեւ զրկվեն էտ շանսից:

Ամենազարմանալին այն է, որ ոչ մի անգամ ընկերության վարքագիծը չի արժանանում ՀՀ կառավարության և լիցենզիա տվող կառույցի ուշադրությանը:

Հրապարակմանը կից ներկայացնում ենք փաստեր, հույս ունենալով, որ այս ընթացքում Մոլդովայում թռիչքին սպասողներին Երեւանից պատասխանատու կերպով խնդրին որևէ լուծում կտան:

Ստացվում է` Նիկոլի Հայաստանում, եթե դու գնում ես հաց կամ սնունդ, որը մատչելի է, բայց որդնած, ուրեմն պարտավոր ես համակարեպվել դրա հետ, մանավանդ, որ արտադրողը ասպարեզ է մտել հատկապես 2018 թ.-ի հեղափոխությունից հետո:

lurer.com