Չունենք պետություն, չունենք հայրենիք, մենք պարզապես հոգևոր որբեր ենք. Բագրատ Սրբազան

Մեր շարժումը երբեք չի վերջանալու այնպես, ինչպես մեր թշնամիները պատկերացնում են։ Այս մասին Գորիսում քաղաքացիների հետ հանդիպմանն ասել է «Տավուշը հանուն հայրենիքի» շարժման ղեկավար Բագրատ Սրբազանը:

Նրա խոսքով՝ ուժը, միտքը, իմաստությունն ու կամքը կունենանք, որ վերստին ազատագրենք մեր հայրենիքը ու ոչ միայն ազատագրենք, այլ մեր տան վերակառուցման հիմքերով շարժվենք առաջ։

«Չունենք պետություն, չունենք հայրենիք, մենք պարզապես հոգևոր որբեր ենք, ինչքան էլ, որ աշխարհի որևէ անկյունում մեր կյանքը բարեկեցիկ թվա։ Մեր արցախցիներն են այստեղ, որքան էլ սա իրենց համար Մայր Հայաստանն է, հայրենիքն է, բայց էն մեծ ու օրհնված կտորը, իրենց տներն ու շիրիմները, որ թողնվել են թշնամուն, դա հոգևոր որբության խորհուրդ ունի», - հավելել է նա։