«Աղջկաս գիշերն եմ տարել, հանձնել հողին, խփում էին»․ սահմանամերձ Դավիթ Բեկի բնակիչները Բագրատ Սրբազանին ներկայացրին գյուղի առջև ծառացած խնդիրները
![«Աղջկաս գիշերն եմ տարել, հանձնել հողին, խփում էին»․ սահմանամերձ Դավիթ Բեկի բնակիչները Բագրատ Սրբազանին ներկայացրին գյուղի առջև ծառացած խնդիրները](/timthumb.php?src=/disc/29-06-24/33724242a9537f8b7d34d4a46ddc284c.jpg&w=708)
Միայն խոտումներ են տալիս, ոչ մի բան չեն անում։ Գալիս են, խոստանում ու գնում: Այս մասին հայտարարեց սահմանամերձ Դավիթ Բեկ գյուղի բնակիչներից մեկը՝ նշելով, որ «աղջկաս գիշերն եմ տարել, հանձնել հողին, խփում էին»։
Բնակիչներից մեկն էլ մտահոգություն հայտնեց՝ Դավիթ Բեկ գյուղը Կապանի ամենամեծ գյուղն է, ամենամեծ սահմանն էլ այդ գյուղն է նայում, գյուղը կործանվում է։
«Մյուս գյուղերում մարդ չկա, մերը մի քիչ կա։ Երիտասարդությունը չի մնում այստեղ, իրենց համար զբաղվելու բան չկա, մի գործարան լինի, զբաղվելու բան լինի, որ մնան, սահմանապահ գյուղն էլ պահեն»,- ասաց բնակիչներից մեկը՝ Աշոտը։
Բագրատ Սրբազանն էլ նկատեց՝ խնդիրները համալիր են լուծվում։
«Ես Տավուշից եմ գալիս, իմացեք՝ 21 սահմանապահ գյուղ կա՝ միայն առաջնագծում, 41 գյուղ է՝ երկրորդ գծով։ Այդ բոլոր գյուղերում եղել ենք, տեսել ենք։ Այն, ինչ դուք չորս տարի է՝ ունեք, այնտեղ՝ 20 տարի կա, անծանոթ չէ մեզ։ Ողբերգական է, որ այսօր այս շեն գյուղը եկել հասել, դարձել է սահմանագիծ»,- ասաց Բագրատ Սրբազանը՝ նշելով, որ կարգավիճակ, մտածողություն է փոխվում, բայց վարժվել պետք չէ, պետք է այնպես անել, որ լուծում տրվի։ Գյուղի բնակիչ Աշոտը շարունակեց միտքը՝ մտահոգություն հայտնելով նաև, որ գյուղը սահմանամերձ է, ամեն բան թանկ է, չեն ընդառաջում՝ վար ու ցանք անելու հարցում։
Աղբյուր` Փաստինֆո