Հայաստանը կատարում է Թուրքիայի բոլոր պահանջները. Նիկոլայ Սիլաև

Պատմական գիտությունների թեկնածու, Մոսկվայի Միջազգային հարաբերությունների պետական ինստիտուտի Կովկասի և տարածաշրջանային անվտանգության կենտրոնի ավագ գիտաշխատող Նիկոլայ Սիլաևը Alpha News-ին մեկնաբանել է Հայաստանին ուղղված Թուրքիայի պահանջները՝ հրաժարվել Հայոց ցեղասպանության ճանաչմանն աջակցելուց և վերանայել իր քաղաքականությունը Ղարաբաղի նկատմամբ։

«Ես չեմ լսել, որ Հայաստանը որևէ պահանջ ներկայացնի Թուրքիային։ Թուրքիայից պահանջներ կային Հայաստանին՝ հրաժարվել Հայոց ցեղասպանության ճանաչմանն աջակցելուց, վերանայել իր քաղաքականությունը Ղարաբաղի նկատմամբ։ Ղարաբաղի հարցում քաղաքականությունն արդեն վերանայվել է։ Ինչ վերաբերում է Հայոց ցեղասպանության թեմային, ապա, որքան գիտեմ, ներկայումս քննարկվում է սահմանադրական բարեփոխում, որը կհանի Սահմանադրությունից ցեղասպանության մասին հիշատակումները։ Այսինքն՝ Հայաստանը կատարում է Թուրքիայի բոլոր պահանջները։ Կարծում եմ, որ Թուրքիան կարող է հասնել դիվանագիտական հարաբերությունների հաստատման և սահմանների բացման մակարդակին»,-ասել է Սիլաևը։

Փորձագետը մեկնաբանել է նաև Հայաստանի եվրաինտեգրման հեռանկարները և Ալեն Սիմոնյանի հայտարարությունները, որը զուգահեռներ է անցկացրել Հայաստանի և Ուկրաինայի միջև։

«Ներկայումս Եվրամիության ընդլայնումը շատ քիչ հավանական է գոնե Հայաստանի հետ կապված։ Ես ընդունում եմ, որ կարող են ապահովել, ասենք, Մոլդովան ներառվի իր կազմում։ Չնայած, իմ կարծիքով, այս միտքը լրիվ անհեթեթ է։ Եթե նույնիսկ խոսենք Ուկրաինայի՝ Եվրամիության կազմում ընդգրկվելու մասին, այնքան ներքին խնդիրներ կլինեն, որոնք ԵՄ-ն պարզապես չի կարող հաղթահարել։

Արդեն երկար ամիսներ է, ինչ լեհ ֆերմերները բողոքում են ուկրաինական հացահատիկի ներկրման դեմ, այդ բողոքներն առաջանում են ու մարում, բայց, այնուամենայնիվ, խնդիրներ կան։ Ուկրաինայի պարենային շուկան ԵՄ-ին անդամակցելուց հետո շատ ծանր հարված կհասցնի եվրոպացի արտադրողներին, և Եվրամիությունում ոչ ոք չգիտի, թե ինչպես լուծել այդ խնդիրը։ Սպասել, որ ամեն ինչ կթողնեն և կսկսեն Հայաստանին ընդունել Եվրամիություն, միամտություն է։

Ավելին, Հայաստանը ԵՄ-ի հետ ընդհանուր սահման չունի և դժվար թե տեսանելի ապագայում կունենա։ Եվ վերջապես, մենք բոլորս գիտենք, թե որն է Եվրամիությանն անդամակցելու ընթացակարգը և գիտենք, որ այդ ընթացակարգը կարող է տևել տասնամյակներ։ Այնպես որ, ես Հայաստանի համար Եվրամիությանն անդամակցելու հեռանկար չեմ տեսնում։

Անկեղծ ասած, ես պատկերացում չունեմ, թե ինչ նկատի ուներ Հայաստանի խորհրդարանի նախագահը, ավելի լավ է իրեն հարցնել, թե ինչ զուգահեռներ է տեսնում Ուկրաինայի և Հայաստանի միջև։ Ես ընդհանրապես նման զուգահեռներ չեմ տեսնում։ Բացի այդ, կարող է լինել մեկ դետալ՝ Հայաստանում իշխանության մեջ կան Ուկրաինայի իշխանությանը գաղափարապես մոտ մարդիկ, որոնք իշխանության են եկել 2014 թվականին։ Այսինքն՝ արևմտամետ լիբերալներ։

Օգտվելով Վրաստանի կամ Ուկրաինայի օրինակից՝ մենք բոլորս լավ տեսանք, որ արևմտյան լիբերալները գիտեն՝ ինչպես կառավարել երկիրը, հիմա դա տեսնում ենք Մոլդովայի օրինակում։ Ամենուր պատերազմ է, և պարտված պատերազմ։ Նրանց իշխանությունը աղքատությունն է, և ամենուր, վաղ թե ուշ, նրանց իշխանությունը վերածվում է բռնապետության։ Եթե Հայաստանի խորհրդարանի խոսնակը նման բան նկատի ունի, ապա, ի դժբախտություն Հայաստանի, նա կարող է ճիշտ լինել»,-ընդգծել է Նիկոլայ Սիլաևը։