2 լուսանկարներն ապացուցում են՝ Տավուշում եղել է տարածքների հանձնում, ոչ թե՝ սահմանազատում

Ներկայացված 2 լուսանկարներից մեկի հեղինակը ես եմ , այն արվել է Ոսկեպար գյուղի բարձունքից, առաջին պլանում 1976-80 թվականներին կառուցված Ջողազի ջրամբարն է, ջրամբարի ձախ ափին՝ Ադրբեջանի Ղազախի շրջանի Մազամ գյուղն է, իսկ աջ ափին՝ Իջևան համայնքի Բերքաբեր գյուղը։ Լուսանկարում երևում է Գվարզին լեռը,որի անունը առաջացել է գավազան բառից, քանի որ լեռը նման է գավազանի։ 2-րդ լուսանկարը վերցված է ադրբեջանական լրատվամիջոցից, այնտեղ ադրբեջանցի սահմանապահները Ջողազի ջրամբարի հայկական՝ աջ ափին են, Ղզըլհաջիլի գյուղին կից տարածքները Ադրբեջանին հանձնելուց հետո։ Բերքաբեր գյուղը Ջողազի ջրամբարի ձախ, ադրբեջանական ափին ունի մոտ 800 հեկտար տարածք, որոնք արդեն 30 տարի Ադրբեջանի վերահսկողության տակ են։ Այդ տարածքները Հայաստանին չեն վերադարձվել, սակայն Ջողազի ջրամբարի աջ ափին գտնվող Ղզըլհաջիլի գյուղին կից տարածքները միակողմանի կերպով հանձնվել են Ադրբեջանին։ Զարմանալի է, որ Բերքաբերի բնակիչները դեռ հույս ունեն, թե Նիկոլ Փաշինյանի իշխանության օրոք, սահմանազատման 2-րդ փուլում այդ 800 հեկտարը վերադարձվելու է Բերքաբերին։

Ոսկան Սարգսյանի գրառումը