Ոչ մի օր առանց ստի ու կեղծիքի․խոստանում ու խաբում են բացահայտ, լկտի ու ցինիկաբար Մհեր Մելքոնյան
![Ոչ մի օր առանց ստի ու կեղծիքի․խոստանում ու խաբում են բացահայտ, լկտի ու ցինիկաբար Մհեր Մելքոնյան](/timthumb.php?src=/disc/24-06-24/2ebe798a1c8051f0460e013ec84d606d.jpg&w=708)
ՀՀ ԱԺ «Հայաստան» խմբակցության պատգամավոր Մհեր Մելքոնյանը ֆեյսբուքյան իր էջում գրում է․
«Ոչ մի օր առանց ստի ու կեղծիքի:
Երևի սա դարձել է փաշինյանական քարոզչության իրական կարգախոսը, որն ամեն օր արտադրում է ոչ թե մեկ, այլ տասնյակ կեղծիքներ։ Տոննաներով ստի արտադրությունը Նիկոլ Փաշինյանի շնորհիվ արդյունաբերական մասշտաբներ է ստացել, և տպավորություն է ստեղծվում, որ ՔՊ-ական տարբեր չինովնիկների մոտ նույնիսկ մրցույթ է ընթանում, թե ով կարող է ամենաաղաղակող սուտն ու կեղծիքը հորինել։
Սրա մեջ զարմանալի ոչինչ չկա։ Կեղծիքների հսկայական ալիք պարզապես չէր կարող չառաջանալ մի իշխանության մոտ, որն իր գաղափարախոսության հիմքն է դարձրել սուտը:
ՔՊ-ական «հեղափոխականների» գործունեության կարևոր մեխը դարձավ հնարավորինս շատ սուտ ու կեղծիք: Որովհետև ճշմարտության պարագայում նրանց կառուցած կայսրությունը հաստատ կփլուզվի:
2018 թվականի իշխանազավթումից ի վեր Հայաստանի ողջ պատմությունը՝ հիմնված ՔՊ-ական խմբակի անհեթեթ առասպելների վրա, հաստատում է այն փաստը, որ ստի ներկայիս ալիքը միայն հետևանք է այն հսկայական կեղծիքի, որը լցվել է մեր քաղաքացիների գիտակցության մեջ վերջին վեց տարիների ընթացքում։
Ցավոք սրտի, փաշինյանական իշխանության խոսքն ու գործը այդպես էլ չհամընկան։
Ավելին, խոստանում ու խաբում են բացահայտ, լկտի ու ցինիկաբար»: