Այս հայտարարությունը հնչել է Տավուշի տարածքները զիջելուց անմիջապես հետո

Երբ հետևանքները առնվազն համարժեք չգնահատելով, հայտարարում են, որ չունեն սահմանագծված և սահմանազատված պետական սահման, իսկ հընթացս պնդում են, որ ոչինչ էլ չեն փոխում, այլ ընդամենը «գետնի վրա» են տեղափոխում այս կամ այն թվի խորհրդային քարտեզները, ապա ի՞նչն է խանգարում պաշտոնական ադրբեջանին, որ ի լուր աշխարհի հայտարարի, թե սահման չունեցող երկիրը այդ ի՞նչ սահմանախախտման մասին է խոսում: Այս հայտարարությունը, ի դեպ, հնչել է Տավուշի տարածքները զիջելուց անմիջապես հետո: Այս մասին ֆեյսբուքյան իր էջում գրել է իրավագիտության դոկտոր Գևորգ Դանիելյանը։

«Եթե անգամ այս հայտարարությունը չլիներ, հանրահայտ է, որ ադրբեջանական զորքերը զավթած տարածքներում շինարարական մեծածավալ այնպիսի կառույցներով են հիմնովին ամրացել, որ նորանոր զիջումները բնավ չեն դիտարկելու զավթած տարածքներից դուրս գալու իբրև համոզիչ հիմք:

Հ.Գ. Բոլոր երկրները ղեկավարվում են իրենց շահերով, մենք չպետք է բացառություն լինենք ....»,- գրել է նա։