Աշնանը պահեստազորայինների վարժական հավաքներ կանցկացվեն. նախագիծ
![Աշնանը պահեստազորայինների վարժական հավաքներ կանցկացվեն. նախագիծ](/timthumb.php?src=/disc/20-06-24/269f4001def4061c64bb3e43abe07c7c.jpg&w=708)
«Փաստ» օրաթերթը գրում է.
Պաշտպանության նախարարությունը հանրային քննարկման է ներկայացրել «Վարժական հավաքներ հայտարարելու մասին» կառավարության որոշման նախագիծը: Վարժական հավաքների նպատակն է զորքերի համալրումն ավելի պատրաստված և անհրաժեշտ զինվորական հաշվառման մասնագիտություն ունեցող պահեստազորայիններով, ինչպես նաև պահեստազորում հաշվառված քաղաքացիների մասնագիտական պատրաստվածության որակի բարձրացումը՝ պահեստազորում կուտակելով համապատասխան զինվորական հաշվառման մասնագիտություն ունեցող պահեստազորայիններ:
Այսպես, նախատեսվում է 2024 թ. սեպտեմբերի 15-ից դեկտեմբերի 15-ն անցկացնել պահեստազորայինների վարժական հավաքներ, սահմանվում են վարժական հավաքների անցկացման նպատակները, ներգրավվող պահեստազորայինների կազմերը, ընդհանուր թիվը և մասնագիտությունները, յուրաքանչյուր մասնագիտությամբ հավաքների ժամկետները և պահեստազորայինների թիվը: