Արագած Ախոյանի նկատմամբ կիրառվել է տնային կալանք
Մեկ ամիս առաջ ՔԿ-ն հայտնեց, որ Կալանավորվել է Ազգային ժողովի ԲՀԿ-ական նախկին պատգամավոր Արագած Ախոյանը:
Ըստ Քննչական կոմիտեի՝ նախկին պատգամավորը կալանավորվել է անշարժ գույքի առուվաճառքի ոլորտում մի շարք քաղաքացիներից խարդախությամբ առանձնապես խոշոր չափերի հափշտակություններ կատարելու մեղադրանքով։
Կոմիտեն նշում էր, որ մայիսի 14-ին դատարան ներկայացնելու նպատակով Ախոյանին ձերբակալելու որոշում է կայացվել։ Մայիսի 15-ին նախկին պատգամավորը հայտնաբերվել, ձերբակալվել և ներկայացվել է նախաքննական մարմնին: Նույն օրը նրան մեղադրանք է ներկայացվել, կալանքի հարցով միջնորդություն է ներկայացվել դատարան, որը բավարարվել է:
Արագած Ախոյանի նկատմամբ որպես խափանման միջոց կիրառված կալանավորումը փոփոխվել է. նրա նկատմամբ կիրառվել է տնային կալանք: